एफिसी 2:19 - थुलुङ राई

¹⁹ मेम्‍मिमका आथाडा आनो गानी वाङ नेब्‍दीलाम रोक्‍पा मा मेछेडिमिम मु़चु़ होप्‍माम मेएँ, लावो माम्‍चु़नीकु मु़चु़मिमनुङ उनीमा किब्‍दीगोडा बाट्‍पा साखाम ल्‍वान्‍निम बु, मा माम्‍चु़नीकु नेमगोडाम मु़चु़मिम दु़म्‍निम बु।

एफिसी 2:19 Referans Kwoze

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

एफिसी 2:12

मेराम थारीका गानी ख्रीष्‍टडाम वाङ बान्‍नी। गानी माम्‍चु़नीका छेट्‌मिडिम सामा इस्राएलीनुङ हेमकेमङा मेबाट्‌पा वाङ नेब्‍दीलाम रोक्‍पा मु़चु़ होप्‍माम बान्‍नी, मा माम्‍चु़नीका मेर्मिमनुङ जेम्‍डिम याचे गानी मेचन्‍थाल्‍निवा, मा गानी सु़म्‍दिसेरडा बान्‍निलो हाम हुम ल्‍वामु न मेबेपा मा माम्‍चु़नी मान्‍थिम बान्‍नी।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

हिब्रू 11:13

ओर्मिम खोत्‍ले मु़चु़मिमका सिमु थारीसम्‍म थो़रङा लु़म्‍डिम बाम्‍डी। मेर्मिमलाई माम्‍चु़नीका हाम ग्‍वानिनी बेम्‍डिम मेराम मेडार्मिवा लोवो होनोवाम मेर्मिमका मेराम ल्‍वाम्‍डी मा छो़म गेर्सिम्‍डी। मेम्‍मा मेर्मिमका उनी त्‍वाप सुबुडा वाङथो़लाम रोक्‍पा मु़चु़ नुङ लाम्‍दिप्‍बाल्‍पा मु़चु़ र्‍वाक्‍साका र्‍वाम्‍डी।

एफिसी 3:15

गुमी सु़म्‍दिसेर नुङ पाह्रीला बाट्‍पा खोत्‍ले थो़रलु़पामिमकु पापङा सो़।

मत्ती 10:25

सीसिपा, सीपा होप्‍माम नुङ डु़ल्‍चो़, नेमहप होप्‍मामङा दु़म्मु माला न-गो तिम्सिट्‍नी। मेर्मिमका नेमहप होप्‍माम गोलाई मुनाङमिमकु हप र्‍वामी माला आमा नेमडाम होप्‍माम गानीलाई हाङको मेजो़पा र्‍वामी।

हिब्रू 13:14

हेङालोने ओराम सुबुडा इकीमा लागि हेल्‍लो लोवो दु़म्‍पाम बाट्‌पा शहर मिबु, लावो गुइ दिफु रोक्‍पा शहर लथाडिमिम बु।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।