एफिसी 2:15 - थुलुङ राई

¹⁵ यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।

एफिसी 2:15 Referans Kwoze

कलस्‍सी 2:14

गुइ छु़ल बिडिमका देन्‍दे ल्‍वामु बासी र्‍वाक्‍साका इकीमा कोर्थो़लाम र्‍याक्‍मा ल्‍वा ख्रीष्‍टकु क्रूसडा काँटीका चेसाका पार्साड्‌डामी।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

हिब्रू 8:13

ओराम सो़रख्रेप्‍सीलाई लाले सो़रख्रेप्‍सी र्‍वाम्‍डी मा ङादोम सो़रख्रेप्‍सीलाई मेमोकिमिम बनेबेम्‍डी। ओराम ने मेमोकिमिम दु़म्‍तो ल मा दालाङा दाम्‍ल्‍या।

कलस्‍सी 3:10

मा गानी लाले मु़चु़ दु़म्‍निम बु। माम्‍चु़नीका गानीलाई लाले मु़चु़ बनेबोमी, मा गुमीका उनी त्‍वाप होप्‍मामङा गानीलाई बनेबोनिम बुनी, मेम्‍साका गानी गुमीलाई आच्‍छाङा छेनिमी।

कलस्‍सी 2:20

गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?

गलाती 6:15

कोक्‍ते खिरिरि क्रिप्‍डी लोवो मेक्रिप्‍डी लोवो मेराम डोक्‍पु ल्‍वा मेएँ, लावो मु़चु़मिमका माम्‍चु़नीलाममिम लाले त्‍वारो़म रमुङा खोत्‍लेडाम डोक्‍पु ल्‍वा सो़।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

एफिसी 4:16

गुमीलामकाङा मिरो़मडाम खोत्‍ले अंगमिम गुमीडाङा दु़म्‍साका त्‍वाप-त्‍वापडा जो़होमका हाम्‍सिम्‍डिम बु। खोत्‍ले अंगमिमका त्‍वा-त्‍वाहोम खारी बोमिलो रिखामलामका सोनुङमा दु़म मा मिरो़म बर्तो ल।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

हिब्रू 7:16

गुमीका उनीमा बेप-पापमिमकु डु़म्‍ला होम्‍साका डु़म्‍लाचो़ दु़म्‍मिडिम मेएँ, लावो हेल्‍लो वो मेसिपा त्‍वारो़मलाममिम यु़मका डु़म्‍लाचो़ दु़म्‍मिडिम सो़।

हिब्रू 9:23

पाह्रीला डार्सीमिम होप्‍माम मेराम ल्‍वामिमलाई सेपा बोमु लागि ने ओकोम डु़म्‍ला बोमु बासी माला, पाह्रीलाम आच्‍छाङाकाम ल्‍वामिम सेपा दु़म्‍बेन्‍मु मेरामडाम वो छो़म जो़पा सासेसी चाहेदु़म।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

एफिसी 2:14

ख्रीष्‍ट उनी त्‍वाकाङा यहूदी नुङ गानी मेयहूदीमिम खोत्‍लेलाई कोले बनेबेसाका इकीमा न-गो दु़बेट्‌मिडी। गुमीका यहूदी नुङ मेयेहूदीमिमलाई दु़मु मेग्‍वाक्‍साका स्‍वाक्‍चिमो रेट्‍पा ब्रोलुङ क्रूसडा सिसाका फाल्‍मिडी।

एफिसी 2:16

ङाचो़ येशू ख्रीष्‍ट क्रूसडा सिसाका यहूदी नुङ मेयहूदी नले सामालाई कोङ सामा बनेबेसाका निफिलाई माम्‍चु़नीनुङ न-थो़म घ्रो़म्‍बेट्‌मिडी, मा दु़मु मेग्‍वाक्‍पा स्‍वाक्‍चिमो पुयु़लुबेट्‌मिडी।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।