एफिसी 2:14 - थुलुङ राई

¹⁴ ख्रीष्‍ट उनी त्‍वाकाङा यहूदी नुङ गानी मेयहूदीमिम खोत्‍लेलाई कोले बनेबेसाका इकीमा न-गो दु़बेट्‌मिडी। गुमीका यहूदी नुङ मेयेहूदीमिमलाई दु़मु मेग्‍वाक्‍साका स्‍वाक्‍चिमो रेट्‍पा ब्रोलुङ क्रूसडा सिसाका फाल्‍मिडी।

एफिसी 2:14 Referans Kwoze

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।

कलस्‍सी 1:20

माम्‍चु़नीका क्रूसडला ख्रीष्‍ट सासेन्‍सिम्‍डिम सिसिका न-थो़म घ्रो़म्‍बेसाका सुबुडाम नुङ पाह्रीलाम खोत्‍लेलाई ख्रीष्‍टलामका गुमीनुङ कोदेप बोमु वो द्‍वाम्डी।

कलस्‍सी 2:20

गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

हिब्रू 13:20

भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

लूका 1:79

मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

हिब्रू 7:2

अब्राहामका घ्‍ल्‍वास्‍तामा रेड्‌डु़म खाप्‍चीकु दशांश मल्‍कीसेदेकलाई ग्‍वाक्‍तु़। मल्‍कीसेदेक र्‍वाक्‍मा ने “जो़पा न-गोनुङमा हप” सो़। शालेम शहरडाम हप र्‍वाक्‍मा “न-गो भ्रसिक्‍पा हप” र्‍वाक्‍पा थेसिथेडी।

एफिसी 4:16

गुमीलामकाङा मिरो़मडाम खोत्‍ले अंगमिम गुमीडाङा दु़म्‍साका त्‍वाप-त्‍वापडा जो़होमका हाम्‍सिम्‍डिम बु। खोत्‍ले अंगमिमका त्‍वा-त्‍वाहोम खारी बोमिलो रिखामलामका सोनुङमा दु़म मा मिरो़म बर्तो ल।

एफिसी 3:15

गुमी सु़म्‍दिसेर नुङ पाह्रीला बाट्‍पा खोत्‍ले थो़रलु़पामिमकु पापङा सो़।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

एफिसी 2:17

गुमी योम्‍डिमा माम्‍चु़नीडाम होनोवा दु़म्‍पा गानी मेयहूदीमिम नुङ माम्‍चु़नी फार्डा बाट्‍पा यहूदीमिमलाई उनी न-थो़म घ्रो़म्‍बेट्‍पा जो़पा-सेला थो़बेट्‌मिडी।