एफिसी 1:17 - थुलुङ राई

¹⁷ इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

एफिसी 1:17 Referans Kwoze

२ पत्रुस 1:3

गुमीलाई छेडिमिमलामका माम्‍चु़नीकु लाम्‍दीडा लाम्‍दिमु लागि चाहेबिइमिम खोत्‍ले ल्‍वा माम्‍चु़नीकु उनी यु़मका गुइलाई ग्‍वाक्‍साड्‌डामिम बु। उहेमका उनी त्‍वाकु यु़म-झ्‍वाक्‍सी नुङ जो़पा दु़म्‍सीलामका गुइलाई येसाड्‌डामी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

१ कोरिन्थी 2:10

लावो माम्‍चु़नीका ओर्मिम ल्‍वा उनी पेललामका इकीमाडा रेम्‍बेम्‍डिम बु। माम्‍चु़नी-पेलका खोत्‍ले ल्‍वा माल्‍मी, मा माम्‍चु़नीकु गोनोम थेसिथेन्‍मु मेझापा ल्‍वा वो रेम्बोमी।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

थु़र्मा 6:10

लावो उहेम नेप्‍चीका नुङ पेललामका स्‍तिफनस जेस्‍ता, मेर्मिमका गुनुङ हाम वो जेमु ङा मेचाप्‍मिवा।

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

२ कोरिन्‍थी 12:1

आमा लागि हाम वो जो़पा मेबु़ लोवो गो धक्‍ची डोक्‍पु बोमुङा बासी। ङाचो़लामका ल्‍वाउतोम मिक्‍सीलाममिम नुङ गुमीका रेम्‍बेट्‌ङिडिमिम ल्‍वामिमकु दुथाम गो सो़उ।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

रोमी 15:6

आरेसाका गानी खोत्‍ले कोले नकाम दु़म्‍साका कोलेङा लो़लामका इकीमा ङाचो़ येशू ख्रीष्‍टकु पाप, माम्‍चु़नीकु नङ कोमु चापा दु़म्‍नी।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 14:17

माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

रेम्‍बेट्‌मिडिम ल्‍वा 7:12

“आमेन! इकीमा माम्‍चु़नीकाम हेल्‍लो लोवो नङ कोसिनु़, यु़म झ्‍वानु़, नेप्‍चीनुङमा दु़म्‍नु़, आलासो़ दु़म्‍नु़, गुमीङा डोक्‍पु दु़म्‍मिनु़म बुमिनु़, उनीमा यु़म दु़म्‍नु़म बु़नु़ मा सो दु़म्‍नु़म बु़नु़। आमेन!”

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

याकूब 2:1

आमा वा-ल्‍वाकनी, ङाचो़ येशू ख्रीष्‍ट, यु़म-झ्‍वाक्‍सीकु ङाचो़डला गानी थो़र बेन्‍निमका मु़चु़मिम गोडा चोमिक्‍सी मेबेनी।

१ कोरिन्थी 14:6

वा-ल्‍वाकनी, इनीमाडा गो वाङ सामामिमकु ल्‍वा जेत्तो रोङु लावो माम्‍चु़नीका रेम्‍बेट्‌ङिडिमिम ल्‍वा, नेप्‍चीनुङमा ल्‍वा, माम्‍चु़नीलाममिम जेसी, सीसिकु सिजेम मेरेट्‌पु माला गानीलाई हाम जो़पा दु़म मा?

लूका 12:12

हेङालोने हाम र्‍वामु बासिक्‍पा ल्‍वा माम्‍चु़नी-पेलका मेकोतिलोङा गानीलाई सीनी।”

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

थु़र्मा 7:2

स्‍तिफनसका र्‍वाक्‍ता, “माम-पाप नुङ वा-ल्‍वाकनी, आनो थो़नी! इकी ङाउ-खुउ अब्राहाम हारानडा बुमु ङादो मेसोपोटामियाडा बाइडालो गुनुङ यु़म-झ्‍वाक्‍सीकु माम्‍चु़नी ल्‍वाला सो़म्‍सिम्‍डिम बाइडा।

एफिसी 4:13

गुइ खोत्‍लेका ख्रीष्‍टडा बिइमिम इकी थो़रडा कोले दु़म्‍पा, माम्‍चु़नीकु तारापाचो़लाई आच्‍छाङा छेपा, थो़रडा आच्‍छाङा सोनुङमा दु़म्‍पा, मा ख्रीष्‍ट होप्‍मामङा दु़म्‍सिमिमसम्‍म बर्तो लक्‍सी।

फिलिप्‍पी 3:15

थो़रलु़सीडा गुइ डोक्‍पुमिम खोत्‍ले ने ओर्मिमकु दुथाम आरेसाका न जु़ल्‍मु बासी। कोङनिम ल्‍वाडा गानी वाङङा मिम्‍निम बु माला माम्‍चु़नीका गानीलाई जो़होमका थेसिथेन्‍बेनिमी।

मत्ती 20:33

मेर्चिपका गुमीनुङ र्‍वाक्‍ची, “ङाचो़, आची मिक्‍सीका ल्‍वापा दु़म्‍मु न बु।”