एफिसी 1:15 - थुलुङ राई

¹⁵ मेम्‍मिमका ङाचो़ येशूडा इनीमा थो़र बुमिम नुङ माम्‍चु़नीकु मु़चु़मिमडलाम इनीमा रिखामकु दुथाम गो थो़उतोमका,

एफिसी 1:15 Referans Kwoze

फिलेमोन 1:5

हेङालोने ङाचो़ येशूडला बेन्‍नाम इमा थो़र नुङ माम्‍चु़नीकु मु़चु़मिमलाई बेत्तोङा लेनामिम रिखामकु दुथाम गो थो़उतोम बु।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ थेसलोनिकी 4:9

लावो थो़रलु़पामिमलाई रिखाम बोमुकु दुथाम गानीलाई गुकु र्‍यामुम बुमु मेबासी। हेङालोने रिखाम बेबेनी र्‍वाक्‍साका माम्‍चु़नीलाम इनी त्‍वाकाङा सीन्‍सिट्‌निम बु।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

रोमी 1:8

खोत्‍लेडाम ङादो येशू ख्रीष्‍टलाम गानी खोत्‍लेकाम लागि गो माम्‍चु़नीलाई आलासो़ र्‍वाङु। हेङालोने येशू ख्रीष्‍टडाम इनीमा थो़रकु दुथाम सु़म्‍दिसेरडा खोत्‍लेथो़ थो़बेट्‍मा बु।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

एफिसी 3:18

मा गानी नुङ माम्‍चु़नीकु खोत्‍ले सेपा मु़चु़मिमका ख्रीष्‍टकु रिखाम हाङको भापा, हाङको धु़पा, हाङको येपा, हाङको घ्‍लु़म्‍पा मिम्मु मेझापा डोक्‍पु बु र्‍वाक्‍पा थेसिथेन्‍मु चाम्‍निनु़ र्‍वाक्‍साका गो सो़म्‍दी बेउ।