कलस्‍सी 4:8 - थुलुङ राई

⁸ आकीमा दुथाममिम ल्‍वा गानी चक्‍नी र्‍वाक्‍साका सो़प्‍डा गो गुलाई इनीमाडा थु़र्तोङा लेट्‌पु। मेम्‍मा गुका इनीमा सो हन्‍बेन्‍सानी।

कलस्‍सी 4:8 Referans Kwoze

एफिसी 6:22

गुकु हे हेप्‍माम बुकु र्‍वाक्‍पा गानी थो़नी मा इनीमा सो हन्‍नु़ र्‍वाक्‍साका गुलाई इनीमाडा थु़र्तोम बु।

कलस्‍सी 2:2

इनीमा सो हन्‍नु़ मा रिखाम बेबोमुडा कोले दु़म्‍नी र्‍वाक्‍साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्‍छाङाकाम सिजेम जो़होमका थेसिथेट्‌निम बु। मेम्मा माम्‍चु़नीकु थक्‍मा ल्‍वा ख्रीष्‍टकु दुथाम आच्‍छाङाका थेसिथेनिनु़ र्‍वाक्‍पा आमा न बु।

२ थेसलोनिकी 2:17

इकी सो हन्‍बेट्‌पा माम्‍चु़नीका खोत्‍ले इनी जो़पा खारी बेसीडा नुङ जेसीडा सो हन्‍बेन्‍सानिमिनु़, मा ख्‍लो़निमिनु़ र्‍वाक्‍साका सो़म्‍दी बोकु।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

१ थेसलोनिकी 4:18

मेम्‍मिमका ओर्मिम ल्‍वाका खोत्‍लेकाम सो हन्‍बेबेनी।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।

फिलिप्‍पी 2:28

मेम्‍मिमका गुलाई थु़र्मु छो़म आमा न बु, मेम्‍साका गानी गुलाई आथावो डार्निमा गेर्सी द्‌वानी। मेम्‍मा गो हापा मिम्‍ताम-सो़र्ताम बोमु मेबासी।

२ कोरिन्‍थी 12:18

गो तीतसलाई इनीमाडा लमु र्‍वाक्‍साका छो़म र्‍वाङडो मा कोले ल्‍वाकलाई वो गुनुङ थु़र्तो। तीतसका लिमा थेसाका गानीलाम हाम-हुम रङडु़ मा? गुचुकु कोलेङा न नुङ कोलेङा बेसी-दोसीका मेबेचुकुवा मा?

२ कोरिन्‍थी 2:7

मेम्‍मिमका गानी मेरामकु छु़ल हेम्‍साट्‌नी मा मेरामनुङ न-थो़मनुङमा दु़म्‍साका जेनी-दोनी, मेएँ माला ने छो़म उ दु़खा लुमा उ गो ज।

२ कोरिन्‍थी 1:4

गुमीका गुइलाई खोत्‍ले दु़खाडा इकी न बसाक्‍सामी। आरेसाका माम्‍चु़नीलाम ल्‍वास्‍तिम मेराम न बन्‍सीलामका गुइ वो वाङमिम दु़खाडा दु़म्‍पा मु़चु़मिमकु न बन्‍सामु चाप्‍सी।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।