कलस्‍सी 4:6 - थुलुङ राई

⁶ गानी मेर्मिमनुङ जेनिलो हेल्‍लो लोवो गेर्सीबेट्‌पा, नडा लक्‍पा इनीमा जेसी दु़म्‍नु़, मेम्‍साका खोत्‍ले मु़चु़मिमलाई हेसाका तुमु बासिक्‍पा मेराम गानी चक्‍नी।

कलस्‍सी 4:6 Referans Kwoze

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

मर्कूस 9:50

“यो ने जो़पा ङा दु़म, योड्‌डा यो मेलु़ माला ने हामका यो लु़ बेन्‍मु मा? मेम्‍मिमका गानी इनी त्‍वाप-त्‍वापडा ङा यो जु़ल्‍सिट्‌नी, मा खोत्‍लेनुङ इनीमा न-गो भ्रहोम दु़बेट्‌निमा बानी।”

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

मत्ती 5:13

“गानी सुबुडाम यो होप्‍माम सो़, लावो योड्‌डा यो मेलु़ माला मेरामलाई हामका यो लु़पा दु़म्‍बेन्‍मु चाप्‍सु़ मा? मेराम ने हाम ना हामकाम दु़म। मेम्‍मा घ्रोमिमा मु़चु़मिमका धेम्‍मी।

लूका 4:22

खोत्‍लेका उनीमा नङ कोम्‍डी, मा गुमीका जेम्‍डिम न-थो़मनुङमा सिजेम थो़म्‍डिमा ङाङाया दु़म्‍मिडी, मा मेर्मिमका र्‍वाम्‍डी, “हेसाका गुका आरे र्‍वामिम? गु ने योसेफकु चो़ मेएँ मा?”