कलस्‍सी 4:2 - थुलुङ राई

² चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

कलस्‍सी 4:2 Referans Kwoze

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

मत्ती 26:41

चङचङया बानी, मा मेजो़पा ल्‍वाका इनीमा न मेछाम्‍सिनु़ र्‍वाक्‍साका सो़म्‍दी बेनी। आच्‍छाङा इनीमा न-गोका ने बोमु मालु़, लावो मिरो़मङा मेचापा बु।”

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

मर्कूस 13:33

गो र्‍वाङुमिम जो़होमका थो़नी, मा चङचङया बानी वो! हेङालोने मेराम थारी हाम्‍सिका रोफा र्‍वाक्‍पा गानी मेचनी।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

थु़र्मा 1:14

येशूकु माम मरियम, येशूकु ल्‍वाकमिम नुङ वाङमी मेसेममिम खोत्‍ले कोले नकाम दु़म्‍साका हेल्‍लो लोवो सो़म्‍दी बेम्‍थाल्‍मिडी।