Biblia Todo Logo
Bib sou entènèt

- Piblisite -




कलस्‍सी 4:18 - थुलुङ राई

18 गो पावल, ओराम सेव आमा त्‍वाकु ल्‍वाकाङा र्‍याक्‍तोङा बेउ। गो चसिक्‍पा बुङु र्‍वाक्‍पा मिम्साका सो़म्‍दी बेनी। माम्‍चु़नीकु दिदाम गानीनुङ दु़म्‍नु़।

Gade chapit la Kopi




कलस्‍सी 4:18
14 Referans Kwoze  

गानी वो मे चसिक्‍पा मु़चु़मिमनुङङा चन्‍सिट्‌निम होङङा मिम्‍नी, मा मेजो़पा बेम्‍डिम मु़चु़मिमनुङङा इनी मिरो़मडा मेजो़पा बेला सो़न्‍सिट्‌निम होङङा मेर्मिमलाई मिम्‍नी।


माम्‍चु़नी गानानुङ दु़म्‍मिनु़। उनीमा दिदाम गानानुङ दु़म्‍नु़।


आरेप्‍माम लिमा ल्‍वाडा थो़र लु़साका याङका उनी थो़र वो दाम्‍सोम्‍डिम बु। माम्‍चु़नीकु दिदाम गानानुङ दु़म्‍नु़।


गो पावल, आ त्‍वाकु ल्‍वाकाङा ओराम सेव र्‍याक्‍तोङा लेट्‌पु।


माम्‍चु़नीकु दिदाम गानी खोत्‍लेनुङ दु़म्‍नु़।


गोनुङ बाट्‌पा खोत्‍लेका गानालाई सेव र्‍वाम्‍डिम बु। गुइलाई रिखाम बेपा थो़रलु़पामिमलाई सेव र्‍वाङसाक्‍ङी। माम्‍चु़नीकु दिदाम गानी खोत्‍लेनुङ दु़म्‍नु़।


मेम्‍मिमका इकीमा ङाचो़ येशूकु दुथाममिम ल्‍वा मु़चु़मिमनुङ सो़मु इमा क्रो़म मेलु़नु़, मा गो ङाचो़काम लागि चला सो़सिसाका बुङुमिमका गोडाम इमा क्रो़म मेलु़नु़। मेम मेबेसाका, गो होम्‍साकाङा गाना वो जो़पा-सेलाकाम लागि दु़खा बे। माम्‍चु़नीका मे दु़खा इम्‍मु यु़म ग्‍वानामी।


गानी खोत्‍लेकु दुथाम आरेसाका मिम्‍मु जो़पा लु़ङडोम बु, मा गानीलाई आमा नगोडा जु़ल्‍निनी। हेङालोने गो होम्‍लो चसिक्‍पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्‍वान्‍निम बु।


गो पावल, आमा त्‍वाकु ल्‍वाकाङा ओराम सेव र्‍याक्‍तोम सो़। मेर्मिम सेलाखाजेम गो थु़र्तोम र्‍वाक्‍पा रेम्‍बोमु लागि खोत्‍ले आमा सेलाखाजेमडा आरेसाकाङा र्‍याक्‍पु।


मु़चु़मिमलाई गुकु उनीमा सिजेम थो़बेन्‍मु माम्‍चु़नीका जो़पा थारी ग्‍वाकिमिनु़ र्‍वाक्‍साका आकीमा लागि वो सो़म्‍दी बेसाट्‌किनी। ख्रीष्‍टकु दुथाममिम ङादो थक्‍मा ल्‍वा माम्‍चु़नीका थेसिथेन्‍बेत्तिकिम बु, मेराम गुकु वाङमिम मु़चु़नुङ सो़मु चाम्‍कुनु़ र्‍वाक्‍साका सो़म्‍दी बेसाट्‌किनी। गो ओराम ल्‍वा थो़बेट्‌पुमिमिमकाङा चसिट्‌पा बुङु।


ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।


आमा चापेडुपे बेपा मा खोत्‍ले मण्‍डलीलाई हुनाखाना बेपा गायसका गानीलाई सेव र्‍वाक्‍ताम बु। गायसकु नेमडा खोम्‍सिक्‍पामिम खोत्‍लेकाम सेव बु। ओराम शहरडाम कोषाध्‍यक्ष इरास्‍तस नुङ क्‍वार्टस ल्‍वाकचिपका वो गानीलाई सेव र्‍वाक्‍चिम बु।


न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।


ओराम सेलाखाजेम र्‍याक्‍पा गो तर्तियसका ङाचो़कु नङडा सेव र्‍वाङु।


Swiv nou:

Piblisite


Piblisite