कलस्‍सी 4:12 - थुलुङ राई

¹² गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

कलस्‍सी 4:12 Referans Kwoze

रोमी 15:30

द्‍वादीबुङ वा-ल्‍वाकनी, ङाचो़ येशू ख्रीष्‍ट नुङ माम्‍चु़नी-पेललाममिम रिखामका आमा दु़खा थारीका गोलाई ख्‍लो़ङिमिनु़ र्‍वाक्‍साका आमा लागि माम्‍चु़नीनुङ हेल्‍लो लोवो छो़म सो़म्‍दी बेङ्‍साङनी र्‍वाक्‍साका गानीनुङ र्‍वाङु।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

फिलेमोन 1:23

येशू ख्रीष्‍टकु दुथाम गोनुङ चसिक्‍पा इपाफ्रासका गानालाई सेव र्‍वाक्‍ताम बु।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

कलस्‍सी 1:7

गानी माम्‍चु़नीकु दिदामकु जो़पा-सेला आकीमा द्‌वादीबुङ ङोप्‍सो़ इपाफ्रासलामका थो़न्‍नी। गुकु होङङा गु वो ख्रीष्‍टकु खारी बेपाङा सो़। गु आकीमालाममिम थो़र लु़इमिम ख्रीष्‍टकु खारीचो़ सो़।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

गलाती 4:19

आमा द्‌वादीबुङ चो़च्‍चो़ नी, गानी येशू ख्रीष्‍ट होम्‍मामङा मेदु़म्‍निमिमसम्‍म चो़च्‍चो़ गमु थारीका मेसेमलाई हिम्‍बा खेडु़मिम होप्‍माम दु़खा आथावो गो इम्‍पुमिम बु।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

रोमी 15:14

आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

कलस्‍सी 1:22

लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

लूका 22:44

येशू छो़म मेभ्रम्‍सिप्‍मिवा, मा छो़म सो़म्‍दी बोमु चो़म्‍मिडी, मा सिसिकु थप्‍का चाप्‍सु़मिम होङङा बेपा उनी ग्‍वाल क्‍वायु़ चाप्‍तोङा लेड्‌डु़।

लूका 1:1

द्‍वादीबुङ ङाचो़ थियोफिलस, येशूकु दुथाम गुकुगोडा हा-हाम ल्‍वा दु़स्‍ताम बाइडा मेर्मिम खोत्‍ले ल्‍वाकु दुथाम हापा मु़चु़मिमका र्‍यामु माल्‍मिडी।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

कलस्‍सी 4:9

गु ओनेसिमसनुङ इनीमाडा रोक्‍तोङा लेडु़। मे ओनेसिमस गानी गोडामङा कोले मु़चु़, थो़रलु़इमिम नुङ थो़र लु़पा आकीमा द्‌वादीबुङ ल्‍वाक सो़। आसिन्‍डा हा-हाम दु़स्‍ताम मेर्मिम खोत्‍ले ल्‍वा मेर्चिपका गानीनुङ सो़ची सो़।

याकूब 1:4

गानी खोत्‍लेडा इम्‍मु सीसिट्‌नी, मा गानी हामकाम वो खेरेला मेदु़म्‍साका थेट्‌पा नुङ बोमु चापा दु़म्‍नी।