कलस्‍सी 4:11 - थुलुङ राई

¹¹ युस्‍तस र्‍वाक्‍मा येशूका वो गानीलाई सेव र्‍वाक्‍ताम बु। माम्‍चु़नीकु किब्‍दीकाम लागि गोनुङ खारी बेपामिमडा थो़र लु़पा यहूदीमिम ओर्मिम सुले कोङङा सो़। ओर्मिमका गोलाई भ्रसिबेट्‌ङिडिमिम बु।

कलस्‍सी 4:11 Referans Kwoze

थु़र्मा 11:2

मेम्‍मा पत्रुस यरूशलेमडा ख्‍लोसिड्‌डामा रोक्‍तालो खिरिरि-क्रिप्‍सी बेपा यहूदी थो़रलु़पामिम गुनुङ भुर्मिडी,

फिलेमोन 1:1

ख्रीष्‍ट येशूकु जो़पा-सेला थो़बेत्तोमिलो चसिङडोम गो पावल नुङ इकीमा ल्‍वाक तिमोथीका, आकीमा द्‌वादीबुङ ङोप्‍सो़ मा गुकुनुङ खारी बेपा फिलेमोनलाई ओराम सेलाखाजेम र्‍याक्‍चोकोम बु।

तीतस 1:10

हाम ना हामकु ल्‍वा बेपा, वाङमिमलाई लु-फेले बेपा मा र्‍वाकिमिम मेथो़पा मु़चु़मिम हापाङा दु़म्‍मी। सेल्‍सिमु लागि खिरिरि-क्रिप्‍सी बोमुङा बासी र्‍वाक्‍पामिमगोडाम आरेप्‍माम मु़चु़मिम ने हापाङा बुमी।

कलस्‍सी 4:7

तुखिकसका आमा दुथाममिम खोत्‍ले सेलामिम गानीनुङ सो़यु़। गु ङाचो़काम लागि खारी बोमुडा थो़रलु़इमिम नुङ गोनुङ कोयो खारी बेपा आमा द्‌वादीबुङ थो़र लु़पा ल्‍वाक सो़।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

रोमी 4:12

आरेसाकाङा यहूदीमिमका खिरिरि क्रिप्‍मिडिमका कोङङा मेएँ, लावो अब्राहामका थो़र बु़डु़म होम्‍साकाङा मेर्मिमका वो थो़र बेम्‍डिमका गु खिरिरि क्रिपामिमकाम वो ङाउ-खुउ दु़स्‍ताम सो़।

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

१ थेसलोनिकी 3:7

मेम्‍मिमका वा-ल्‍वाकनी, इनीमा थो़रका खोत्‍ले आकीमा दु़खाडा नुङ थो़मतेर्सीडा वो आकीमा सो हन्‍डाम बु।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

फिलिप्‍पी 4:3

थो़रलु़इमिम ङोप्‍सो़, ओर्चिप मेसेमलाई दु़मु ख्‍लो़याची र्‍वाक्‍साका गो गानालाई छो़म र्‍वाङु, हेङालोने जो़पा-सेला थो़बेन्‍मुडा ओर्चिपका गोनुङ मेझापातो खारीमिम बेच्‍चिम बु। ओर्चिपका क्‍लेमेसनुङ दु़म्‍साका मा गोनुङ खारी बेपा वाङमिम, उहेममिमकु नङ त्‍वारो़मकु खाजेमडा र्‍यास्‍ताम बु, मेर्मिमनुङ दु़म्‍साका वो खारी बेच्‍चिम बु।

एफिसी 2:11

कोबिलि गानी वाङसामामिम, हेप्‍माम बान्‍नी मेराम मिम्‍सिट्‍नी, ल्‍वाका खिरिरि क्रिप्‍सी बेम्‍मा यहूदीमिमका गानीलाई कोक्‍ते खिरिरि क्रिप्‍सी मेबेम्‍मा र्‍वामी। गानीलाई मेम र्‍वाक्‍पामिम त्‍वाप ने खिरिरि क्रिप्‍सी बेम्‍मा मिम्‍सिमी।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।