कलस्‍सी 4:10 - थुलुङ राई

¹⁰ गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

कलस्‍सी 4:10 Referans Kwoze

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

२ तिमोथी 4:11

लूका कोङङा गोनुङ बु। मर्कूसलाई मालामा गानानुङङा रेडा, हेङालोने मेरामका खारी बोमुडा गोलाई जो़होमका ख्‍लो़ङी।

थु़र्मा 19:29

खोत्‍ले शहरडा मु़चु़मिम येम्‍डी-दुम्‍डी, मा मेर्मिम खोत्‍ले खोम्‍सिम्‍डिमा पावलनुङ लाम्‍दिपा माकेडोनियाडा बाट्‌पा गायस नुङ अरिस्‍तार्खसलाई चु़म्‍मिडी, मा रङ्‍गशाला गोनो थु़त्तो लम्‍डी।

थु़र्मा 27:2

मेकोतिमा गुकु एड्रामिटेनोस शहरलामका एशियाडाम बन्‍दरगाह मिमलाम दु़म्‍तो लक्‍पा कोले डोक्‍पु कुबी-बोक्‍साडला हुत्तोकोमा लाम्‍दित्तोको। माकेडोनियाडाम थेसलोनिके शहरडा बाट्‌पा अरिस्‍तार्खस वो गुकुनुङ बाइडा।

थु़र्मा 20:4

मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्‍पा अरिस्‍तार्खस, सिकन्‍दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्‍डी।

थु़र्मा 12:12

ओराम ल्‍वा पत्रुसका चडु़मा गु मर्कूस र्‍वाक्‍मा यूहन्‍नाकु माम मरियमकु नेमडा लस्‍ता। मेसिन्‍डा हापा मु़चु़मिम खोम्‍सिम्‍डिमा सो़म्‍दी बेत्तोङा लेट्‌मिडिम बाइडा।

१ पत्रुस 5:13

बेबिलोनडा बाट्‌पा मण्‍डलीका गानीलाई सेव र्‍वाक्‍ताम बु, मा आमा तारापाचो़ होप्‍माम मर्कूसका वो गानीलाई सेव र्‍वाक्‍ताम बु।

रोमी 16:7

एन्‍ड्रोनिकस नुङ यूनियस र्‍वाक्‍मा आमा त्‍वाकु मु़चु़चिप मा गोनुङङा चसिक्‍पा यहूदी ङोप्‍सो़मिमलाई आमा सेव र्‍वाङ्‍साङ्‍नी। थु़र्मामिमगोडा मेर्मिमकु नङ हापा दोस्‍ताम बाइडा। मेम्‍मा गो थो़रलु़मु हापा ङादोङा मेर्मिमका ख्रीष्‍टडा थो़र लु़म्‍डिम बाइडा।

रोमी 16:2

माम्‍चु़नीकु सेपा मु़चु़ होम्‍साकाङा गुलाई ङाचो़डा जो़होमका हुनाखाना बेनी र्‍वाक्‍साका गो र्‍वाङु। गुलाई खेरेला दु़म्‍पा ल्‍वाडा ख्‍लो़नी, हेङालोने गुका हापा मु़चु़मिमलाई ख्‍लो़यु़डु़मी मा गोलाई वो ख्‍लो़ङ्‌डिम बु।

थु़र्मा 13:13

पावल नुङ उ ङोप्‍सो़मिम पाफोस शहरलामका डोक्‍पु कुबी-बोक्‍साडा हुम्‍डिमा पामफिलियाकु पर्गा शहरडा रोम्‍डी। मेकोतिमा मर्कूस र्‍वाक्‍मा यूहन्‍नाका मेर्मिमलाई पार्जो़ल्‍लु़मिमा गु यरूशलेमथो़ ख्‍लोस्‍ता।

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

थु़र्मा 13:5

मेर्चिप सलामिस शहरडा रोक्‍फाट्‌चिमा मेसिन्‍डाम यहूदीमिमकु घ्रो़म्‍दीनेमबाडे माम्‍चु़नीकु दुथाममिम जो़पा-सेला थो़बेट्‌चिमी। मेर्चिपकु खारी बोमु ख्‍लो़पा मर्कूस र्‍वाक्‍मा यूहन्‍ना वो मेर्चिपनुङ बाइडा।

थु़र्मा 12:25

बारनाबास नुङ शाऊलका यरूशलेमडा उची खारी डु़म्‍चिमा एन्‍टिओखिया शहरथो़ ख्‍लोसिक्‍ची। मेर्चिपनुङ मर्कूस र्‍वाक्‍मा यूहन्‍ना वो बाइडा।

फिलेमोन 1:23

येशू ख्रीष्‍टकु दुथाम गोनुङ चसिक्‍पा इपाफ्रासका गानालाई सेव र्‍वाक्‍ताम बु।