कलस्‍सी 3:8 - थुलुङ राई

⁸ लावो गानी आथावो रु़प्‍चु़मो लोमु, छोक्‍चो बोमु, वाङमिमलाई मेजो़पा बोमु, वाङमिमलाई डक्‍साका जेमु मा घ्राम्‍लु़पा जेमु डिट्‌नी।

कलस्‍सी 3:8 Referans Kwoze

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

एफिसी 5:4

क्रो़मलु़पा नाम्‍सु़रु़ ल्‍वा, नेप्‍ची मान्‍थिम ल्‍वामिम मा नाले डाट्‌पा ल्‍वामिम इनीमा सिलामका मेलुनु़, लावो माम्‍चु़नीलाई आलासो़ ग्‍वाक्‍पा दु़म्‍नी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

एफिसी 4:26

इनी छोक्‍चो ब लोवो छु़ल मेबेनी। नेम्‍सुङ गाम्‍मु ङादोङा इनी छोक्‍चो सिनु़,

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

कलस्‍सी 3:9

लिमा थेन्‍मेबेनी, हेङालोने गानी ङादो बान्‍निम बेन्‍निम होप्‍माम बोमु डिट्‌निम बु,

१ पत्रुस 2:1

मेम्‍मिमका खोत्‍ले मेजो़पा ल्‍वा, लिमा जेसी, मिनी मिक्‍सीलामडा जो़पा बेपा लिसिसी, नाचु़र नुङ डक्‍साका जेपा जेसीमिम पार्नी।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

गलाती 5:15

सो़ब्‍दीडाम हादीबारामिम होङङा गानी इनी त्‍वाप-त्‍वापडा ख्रेन्‍बेबोनी मा ब्राम्‍बेबोनी माला ने चङचङया बानी वो, मेएँ माला ने इनी त्‍वाप-त्‍वापडाङा पुयु़लुबेबोनी।

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

यहूदा 1:8

मेप्‍मामङा इनी थेतेगोडा हुपा ओर्मिम मु़चु़ वो बुमी। मेर्मिम मु़चु़ ङिमा म्‍वामिमिम होम्‍साका दोमी मा छु़लका उनी त्‍वापलाई घ्राम्‍लु़पा बनेबोमी। मेर्मिमका माम्‍चु़नीकु साखाम मेद्‌वामी मा पाह्रीचो़मिमकु जो़प्‍सीकु दुथाम डक्‍साका जेमी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

याकूब 2:7

इकीमा ङाचो़ येशू ख्रीष्‍टकु दुथाम मेजो़पा जेपा मेर्मिमङा सो़।

१ तिमोथी 1:20

मेर्मिमगोडाम हुमेनियस नुङ अलेक्‍जेन्‍डर सो़, मेर्चिपका माम्‍चु़नीलाई डक्‍साका मेजेचिनु़ र्‍वाक्‍पा सीसिन्‍चिनु़ र्‍वाक्‍साका गो मेर्चिपलाई शैतानकु ल्‍वाडा ग्‍वाक्‍तोचिम बु।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

गलाती 5:26

गुइ कोलेका कोङमीकु छोक्‍चो फक्‍साक्‍पा, डोक्‍पु लिसिक्‍पा मा नाचु़र बेपा दु़म्‍सी मेनु़।

गलाती 5:20

ङाटा सेव सान्‍मु, होन्मु-जोन्मु, त्‍वाप-त्‍वापगोडा द्‍वा मेबोमु, रिबुसी किन्‍मु, नाचु़र बोमु, छोक्‍चो बोमु, त्‍वाप कोङङा जो़पा दु़म्‍मु माल्‍मु, गो-फ बोमु, त्‍वाप-त्‍वापगोडा न मेघ्रो़म्‍पा मु़चु़मिमडाम फ्‍वाम्‍सिमु,

मर्कूस 7:22

रारी, मेजो़पा बेसी, लिमा, वाङमिम मेसेमनुङ अम्‍पा न, सु़ङखार, डक्‍साका जेमु, डोक्‍पुलिम्‍सिमु, नेप्‍ची मान्‍थिम दु़म्‍मु ओर्मिम खोत्‍ले मु़चु़कु गोलामका लुमी।

रेम्‍बेट्‌मिडिम ल्‍वा 16:9

छो़म चापा नेम्‍सुङका मेर्मिम घ्रु़म्‍डी मा मेर्मिम दु़खामिम त्‍वाकु ल्‍वाडा बेपा माम्‍चु़नीकु नङलाई मेर्मिमका वाइतो बेट्‌मिडी। मेर्मिम उनी छु़ललाम ख्‍लोम्‍सिमु नुङ माम्‍चु़नी डोक्‍पु बुमी र्‍वामु मेबिम्‍सिप्‍मिवा।

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।

२ पत्रुस 2:7

माम्‍चु़नीका उनी न होप्‍माम लोतलाई फ्‍वाक्‍मिडी। डु़म्‍ला होम्‍साका मेदोपा मु़चु़मिमकु घ्राम्‍लु़पा बेसी-दोसीडाम गु उ न नो़पा बाइडा।

एफिसी 4:25

मेम्‍मिमका लिमा जेमु डिट्‌नी मा कोलेका कोङमीनुङ आच्‍छाङाकाम ल्‍वा जेनी, हेङालोने गुइ खोत्‍ले ख्रीष्‍टकु मिरो़मडाम अंगमिम सो़।