कलस्‍सी 3:4 - थुलुङ राई

⁴ ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

कलस्‍सी 3:4 Referans Kwoze

यूहन्‍ना 11:25

येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

१ पत्रुस 5:4

मेम्‍मा भेन्‍दा रेपा-क्रिपा खोत्‍लेडाम डोक्‍पु रोमी। मेम्‍मा उ जो़प्‍सी हेल्‍लो वो मेदाम्‍पा यु़म-झ्‍वाक्‍सीकु मुकुट गानी ल्‍वानी।

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

१ कोरिन्थी 15:43

मिरो़म हाम होङङा वो मेलु़साका क्‍लु़म्‍सी, यु़म झ्‍वासिक्‍साका बगे। सो मान्‍थिम क्‍लु़म्‍सी, सोनुङमा दु़म्‍साका बगे।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

१ यूहन्‍ना 5:12

उहेम मु़चु़नुङ तारापाचो़ बुमी मेराम मु़चु़डा त्‍वारो़म बु, मा उहेम मु़चु़नुङ माम्‍चु़नीकु तारापाचो़ मेबुमी मेराम मु़चु़डा त्‍वारो़म मिबु।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

मत्ती 13:43

माम्‍चु़नीकु न-गो होप्‍माम मु़चु़मिम उनी माम्‍चु़नी पापकु किब्‍दीगोडा नेप्‍सुङ होङङा झ्‍वामी। उहेमकाम नोफ्‍ला बु, मेरामका थो़सु़नु़मा थेसिथेट्‌नु़।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 14:3

गो लङुमा इनीमा लागि बाखोप झो़म्‍सिबेट्‌जो़लुमा योङु। मेम्‍मा गानीलाई लनिनी, मा गो बान्‍ते बुङु मेसिन्‍डा गानी वो दु़म्‍नी।

२ तिमोथी 1:1

आमा द्‌वादीबुङ तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। ख्रीष्‍ट येशूडा त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम होम्‍साका, मा उनीमा नका थुट्‌ङिडिमिम गो ख्रीष्‍ट येशूकु थु़र्मा सो़। इकीमा माम्‍चु़नी पाप नुङ इकीमा ङाचो़ ख्रीष्‍ट येशूलामका गाना दिदाम, न-थो़म नुङ न-भ्रसी ल्‍वानानु़!

१ थेसलोनिकी 4:17

मेकोतिमा गुइ सामबाट्‌पा ने ङाचो़ येशूलाई धामुला क्रो़म्‍डा मेर्मिमनुङङा खासेडलामका माम्‍चु़नीका कोक्‍सामी। मेम्‍लो आथाम हेल्‍लो लोवो गुइ ङाचो़ येशूनुङ दु़म्‍सिमिम बुइ।

१ कोरिन्थी 1:7

मेम्‍मिमका इकी ङाचो़ येशू ख्रीष्‍ट आथावो योमी र्‍वाक्‍साका गानी छो़म लन्‍थानिलो माम्‍चु़नीका ग्‍वाक्‍निमिम राप्‍लावाका मेलिट्‌पा मेबुनी।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

१ तिमोथी 6:14

ङाचो़ येशू ख्रीष्‍ट आथावो योमिमिम थारीसम्‍म गो बेबेट्‌निम ल्‍वा जो़होमका बे मा सु़का वो मेजो़पा ल्‍वा इमा बुइडला उन्‍मु मेल्‍वामिनु़।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

लूका 17:30

“मिनीचो़ योमिमनेम वो मेम्‍साकाङा मु़चु़मिम मेझो़म्‍सिट्‌मी।

रोमी 8:18

ओम्‍लो गुइ इम्‍डिमिम दु़खानुङ गुमीका गुइडला दिफु रेम्‍बोमिमिम यु़म झ्‍वाक्‍सी थो़म्मु मेघ्रेट्‍पा बु।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।