कलस्‍सी 3:22 - थुलुङ राई

²² डु़ल्‍चो़नी, खोत्‍ले ल्‍वाडा गानी इनीमा नेमहपमिमका र्‍वामिमिम होङङा बेनी। न-थो़म ल्‍वामु लागि मेर्मिमकु मिक्‍सीलामडा कोङङा र्‍वामिमिम होङङा बेपा मेएँ, लावो ङाचो़ येशूकु ङिम जु़ल्‍साका आच्‍छाङाकाम न-गोका बेनी।

कलस्‍सी 3:22 Referans Kwoze

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

१ थेसलोनिकी 2:4

लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

कलस्‍सी 3:20

चो़च्‍चो़नी, इनीमा मामपापका र्‍वामिमिम होङङा हेल्‍लो लोवो बेनी। हेङालोने गानी आरे बोनिलो ङाचो़ येशू गेर्सी द्‌वामी।

लूका 6:46

“गो र्‍वाङुमिम होम्‍साका मेबोनी माला, गानी हेङा गोलाई ङाचो़, ङाचो़, र्‍वानी?

फिलेमोन 1:16

लावो डु़ल्‍चो़ होङङा मेएँ, ओनेसिमस ने डु़ल्‍चो़डाम वो डोक्‍पु सो़। गु आमा लागि द्‌वादीबुङ ल्‍वाक, लावो इमा लागि ने मेरामडाम हापा, हेङालोने ङाचो़ येशूडा मेराम कोङ मु़चु़ नुङ थो़रलु़पा ल्‍वाक होङङा सो़।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

लूका 7:8

हेङालोने आ त्‍वाप ङा वो साखामचो़कु ल्‍वाडा बुङु, मा आमा ल्‍वाडा सिपाहीमिम बुमी। गो कोलेलाई ‘लक्‍सा’ र्‍वाङु, मा मेराम ल मा कोङमीलाई ‘रोका’ र्‍वाङु, मा मेराम रो। गो आमा डु़ल्‍चो़लाई ‘आरे बे’ र्‍वाङुलो मेरामका बु़।”

मत्ती 8:9

हेङालोने गो वो आ डोक्‍पु मु़चु़कु ल्‍वाडा बुङु, मा आमा ल्‍वाडा सिपाहीमिम बुमी। कोलेलाई गो ‘लक्‍सा’ बेउ, मा मेराम ल। कोङमीलाई ‘रोका’ बेउ, मा मेराम रो। आमा डु़ल्‍चो़लाई ‘आरे बे’ बेउ, मा मेरामका बु़।”

मत्ती 6:22

“मिक्‍सी ने मिरो़मडाम ओल होप्‍मामङा सो़। इनी मिक्‍सी जो़पा बु माला खोत्‍ले इनी मिरो़मङा ओलनुङमा दु़म।