कलस्‍सी 3:19 - थुलुङ राई

¹⁹ वोचु़नी, इनीमा नाइमेलाई रिखाम बेनी मा मेर्मिमकाम लागि क्रोक्‍पा मेदु़म्‍नी।

कलस्‍सी 3:19 Referans Kwoze

१ पत्रुस 3:7

वोचु़नी, मेम्‍साकाङा गानी इनीमा नाइमेनुङ दु़साका मा ख्‍लो़या-बाया बेबेसाका बानी। गानी इनी नाइमेलाई डोक्‍पु मिम्‍मु बासी। गानीडाम मेर्मिम मेचापा बुमी। लावो माम्‍चु़नीका गानीलाई निफिलाई कोलेङा आच्‍छाङाकाम त्‍वारो़म ग्‍वाक्‍निम बु। आरे बोनिमा गानी सो़म्‍दी बोनिलो भोपा हाम वो मेदु़म।

कलस्‍सी 3:21

पापनी, इनीमा चो़मिमकु छोक्‍चो मेफन्‍साट्‌नी, मेएँ माला ने मेर्मिमकाम उनी गो ज।

एफिसी 5:25

गानी वोचु़नी, ख्रीष्‍टका मण्डलीलाई रिखाम बेम्डी मा मेरामलाई सेल्‍मु उनी त्‍वापङा सिम्‍डिम होम्साका गानी वो त्वाकु नाइमेलाई रिखाम बेनी।

एफिसी 4:31

मेभ्रसिक्‍पा, गो-गो छोक्‍चो बेपा, छोक्‍चोका येत्तो फपा, क्‍वाल्‍बा बेपा, मु़चु़लाई डक्‍साका जेपा, वाङमिमलाई मेजो़पा बेपा खोत्‍ले बादु़खाम ङेट्‌नी।

एफिसी 5:33

मेम्‍मिमका गो आथावो र्‍वाङु, खोत्‍ले वोस्‍चो़मिमका त्‍वा-त्‍वाहोम नाइमेलाई त्‍वाप होम्‍साकाङा रिखाम बोमु बासी, मा खोत्‍ले नाइमेमिमका त्‍वा-त्‍वाहोम वोचु़लाई डोक्‍पु मिम्‍मु बासी।

याकूब 3:14

इनीमा न-गोडा नाचु़र नुङ त्‍वाप नु़पा ल्‍वा कोङङा बु माला गानी नेप्‍चीनुङमा र्‍वाक्‍साका डोक्‍पु मेलिन्‍सिट्‌नी। आच्‍छाङाकाम ल्‍वा थक्‍साका लिमा थेट्‌पा गानी दु़म्‍नी।

लूका 14:26

“कोङनिम मु़चु़ आमा सीसिपा दु़म्‍मु न बु़ माला, मेराम मु़चु़का वो उ त्‍वाकु माम-पाप, उ नाइमे, उ चो़च्‍चो़मिम, उ वा-ल्‍वाकमिम, मा उ त्‍वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।

रोमी 3:14

“मेर्मिमकु सिलामका वाइतो नुङ मेजो़पा ल्‍वा कोङङा लुहोम बु।”