कलस्‍सी 3:17 - थुलुङ राई

¹⁷ जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

कलस्‍सी 3:17 Referans Kwoze

१ कोरिन्थी 10:31

मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।

कलस्‍सी 3:23

गानी हाम बोनी न-गोका मेराम बेनी। मु़चु़काम लागि मेएँ, ङाचो़ येशूकाम लागि बोनिमिम होङङा बेनी।

एफिसी 5:20

खोत्‍ले थोककाम लागि इकीमा ङाचो़ येशू ख्रीष्‍टकु नङडा माम्‍चु़नी पापलाई आलासो़ ग्‍वाक्‍नी।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

१ थेसलोनिकी 5:18

गानीडला हा-हाम दु़म, मेर्मिम खोत्‍लेकाम लागि माम्‍चु़नीलाई आलासो़ ग्‍वाक्‍नी। येशू ख्रीष्‍टकु मु़चु़ दु़म्‍साका गानी ओरामङा बेनिम बानी र्‍वाक्‍पा माम्‍चु़नीकु न बु।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

हिब्रू 13:15

मेम्‍मिमका गुइ हेल्‍लो लोवो येशू ख्रीष्‍टलाम माम्‍चु़नीकु सो़रलोले बेसाका ग्‍वा-ग्‍वा ग्‍वाकिमी। ओराम ने उनीमा नङ कोक्‍पा सिका ग्‍वाकु़मिम ग्‍वा-ग्‍वा सो़।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

२ थेसलोनिकी 2:17

इकी सो हन्‍बेट्‌पा माम्‍चु़नीका खोत्‍ले इनी जो़पा खारी बेसीडा नुङ जेसीडा सो हन्‍बेन्‍सानिमिनु़, मा ख्‍लो़निमिनु़ र्‍वाक्‍साका सो़म्‍दी बोकु।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।

रोमी 1:8

खोत्‍लेडाम ङादो येशू ख्रीष्‍टलाम गानी खोत्‍लेकाम लागि गो माम्‍चु़नीलाई आलासो़ र्‍वाङु। हेङालोने येशू ख्रीष्‍टडाम इनीमा थो़रकु दुथाम सु़म्‍दिसेरडा खोत्‍लेथो़ थो़बेट्‍मा बु।

हिब्रू 1:5

माम्‍चु़नीका उनीमा कोङनिम पाह्रीचो़मिमलाई हेल्‍लो वो आरे मेर्‍वाक्‍मिवा, “गाना आमा तारापाचो़, आनेप आथाम गो इमा पाप दु़म्‍ङोडोम बु।”

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।