कलस्‍सी 3:11 - थुलुङ राई

¹¹ माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

कलस्‍सी 3:11 Referans Kwoze

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

एफिसी 1:23

मा मण्‍डली ने ख्रीष्‍टकु रो़म, गुमीडा बाट्‍पा खोत्‍ले ल्‍वा थो़र लु़पामिमनुङ बु, मा गुमीका खोत्‍लेम थोक खोत्‍लेथो़ उनी त्‍वाकाङा थो़मी।

रोमी 3:29

हाम माम्‍चु़नी यहूदीमिमकाम कोङङा मा? वाङसामामिमकाम माम्‍चु़नी मेएँ मा? गुमी वाङसामामिमकाम वो माम्‍चु़नी सो़।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

थु़र्मा 15:17

मेकोतिमा डिन्‍जो़ल्‍मिडिम मु़चु़मिम नुङ आमा नङ रपा वाङसामामिम खोत्‍लेका मिप्रङमालाई माल्‍मु चाम्‍मिनु़’ र्‍वाक्‍साका ओर्मिम खोत्‍ले बेपा माम्‍चु़नीका र्‍वामी,

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

रोमी 1:14

हेङालोने ग्रीक लोवो ग्रीक मेएँ लोवो, नेप्‍चीनुङमा लोवो नेप्‍ची मान्‍थिम लोवो, खोत्‍लेलाई जो़पा-सेला थो़बेन्‍मुङा बासिक्‍पा बु।

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

थु़र्मा 28:4

मे देल्‍पामिमका पावलकु ल्‍वाड्‌डा ब्‍लो रिम्‍तासिट्‌पा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, “ओराम मु़चु़ ने मु़चु़ सेट्‌पा ङा दु़म्‍मु बासी। ओराम मु़चु़ दिरिदिनलामका ने सेल्‍सिड्‌डामा लुक्‍ता, लावो नो़पमाकु नियालामका ने सेल्‍सिमु मेचाप्‍सु़।”

थु़र्मा 28:2

मेसिन्‍डाम देल्‍पामिमका गुकुडला छो़म न-थो़म रेम्‍बेम्‍डी। व योक्‍तामा जु लु़डामका मेर्मिमका मु होट्‌मिडिमा गुकुलाई झु़ड्‌डा येत्तिकी।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

एफिसी 6:8

गानी ओराम ल्‍वा मिम्‍नी, गानी डु़ल्‍चो़ लोवो, मेएँ लोवो, जो़पा खारी बेपा खोत्‍लेलाई मेर्मिमकु खारी बेसी होम्‍साका ङाचो़का ग्‍वामी।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

१ कोरिन्थी 14:11

कोङनिमका जेमिमिम ल्‍वा थेसिमेथेट्‌पुवा माला उमा लागि गो वाङ नेब्‍दीलामका रोक्‍पा दु़म्‍ङु मा गु आमा लागि वाङ नेब्‍दीलामका रोक्‍पा दु़म।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

एफिसी 2:14

ख्रीष्‍ट उनी त्‍वाकाङा यहूदी नुङ गानी मेयहूदीमिम खोत्‍लेलाई कोले बनेबेसाका इकीमा न-गो दु़बेट्‌मिडी। गुमीका यहूदी नुङ मेयेहूदीमिमलाई दु़मु मेग्‍वाक्‍साका स्‍वाक्‍चिमो रेट्‍पा ब्रोलुङ क्रूसडा सिसाका फाल्‍मिडी।

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।