कलस्‍सी 2:9 - थुलुङ राई

⁹ हेङालोने माम्चु़नीडा बाट्पा खोत्ले ल्वा मिनीचो़ दु़म्डिम ख्रीष्‍टडा ङा दु़म्मी बुमी।

कलस्‍सी 2:9 Referans Kwoze

कलस्‍सी 1:19

हेङालोने माम्चु़नीका उनी त्वापडा बाट्‍पा खोत्ले ल्वा ख्रीष्‍टडा जु़ल्‍मु मुलु़ बोमु द्‍वाम्डी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 10:30

गो नुङ पाप कोलेङा।”

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

यूहन्‍ना 14:20

मेनेम गो आमा पापगोडा बुङु, मा गानी आमाडा बुनी, मा गो गानीगोडा बुङु र्‍वाक्‍पा थेसिथेनी।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

२ कोरिन्‍थी 5:19

मेराम र्‍वाक्‍मा ने मु़चु़मिमका बेम्‍डिम छु़लकु मुमा मेबेसाका माम्‍चु़नीका खोत्‍ले मु़चु़मिमलाई ख्रीष्‍टलामका गुमीनुङ न-थो़म घ्रो़म्‍बेट्‌मिडिम बु। मेम्‍मा वाङमिमलाई जो़पा-सेला थो़बेसाका न-थो़म घ्रो़म्‍बेट्‌पा खारी गुकुलाई ग्‍वाक्‍तिकिम बु।

१ यूहन्‍ना 5:7

येशूकु दुथाम गुइनुङ सो़पा सुले बुमी:

यूहन्‍ना 2:21

लावो येशूका “सो़रनेम” र्‍वाम्‍डिम ने उनी त्‍वाकु मिरो़मकु दुथाम र्‍वाम्‍डिम बाइडा।

यूहन्‍ना 1:16

छो़म उनी दिदामडला दिदाम गुइ ल्‍वास्‍तिम बु।

थु़र्मा 17:29

“मेम्‍मिमका गुइ माम्‍चु़नीकु चो़-चु़सु़ दु़स्‍तिमका, सो़ना, मत्तो नुङ लुङलामका मु़चु़कु ल्‍वाका बनेबेम्‍मा मेराम ङाली होप्‍माम माम्‍चु़नी बुमी र्‍वाक्‍पा गुइ मिम्‍सी मेनु़।

लूका 14:22

“मेकोतिमा डु़ल्‍चो़का उ नेमहपलाई र्‍वाक्‍ता, ‘ङाचो़का र्‍वाक्‍निम होप्‍माम खोत्‍ले मु़चु़मिमलाई रेत्तोमिम बु। लोवो आथावो बोच्‍चो़मिम गन्‍खोप खोम ने हापाङा बु।’