कलस्‍सी 2:5 - थुलुङ राई

⁵ गानीडाम गो होनोवा बुङु लोवो गानीनुङ बाट्‌पा होङङा लु़ङु। मेम्‍मा इनीमा खोत्ले ल्वा जो़होमका घ्रो़म्पा नुङ ख्रीष्‍टडा छो़म थो़र लु़साका बुनिमिम ल्‍वानिनिलो गेर्सिक्‍पा बुङु।

कलस्‍सी 2:5 Referans Kwoze

१ थेसलोनिकी 2:17

वा-ल्‍वाकनी, गुकु घरिकोङ गानीडाम फ्‍वासिक्‍तोको लोवो आकीमा न-गोका गानीलाई हेल्‍लो वो मेडिट्‌कुवा। गुकु इनीमाडा ख्‍लोम्‍सिमु छो़म माल्‍तोको हेङालोने गानीनुङ आथावो घ्रो़म्‍मु छो़म न बेत्तोकोम बाइडा।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

१ कोरिन्थी 14:40

लावो खोत्‍ले ल्‍वा जो़होमका नुङ घ्रो़म्‍होमका बोमु बासी।

हिब्रू 6:19

मेराम हाम-हुम ल्‍वापा नकाङा गुइलाई झेथाक्‍सा मा मेराम थो़रलु़इमिम नुङ भाल-आथो़ मेदु़म्‍पा बु। हाम-हुम ल्‍वापा ओराम नका रिपा-येगोनोम माम्‍चु़नीकु बाखोपगोनो लक्‍सा।

१ थेसलोनिकी 3:8

ङाचो़ येशूडा गानी छो़म थो़रलु़पा दु़म्‍निम बुनी माला आकी साम रोक्‍पा होङङा दु़म्‍कु।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

कलस्‍सी 2:1

इनीमा नुङ लाउडिकिया शहरडा बाट्‌पा मण्‍डलीकाम नुङ गोलाई मेक्रो़म्‍ङिमिवाम थो़र लु़पा मु़चु़मिमकाम लागि गो हाङको छो़म ब्राम्‍दु़ल्‍वा बेउमिम बु मेराम गानीलाई थेसिथेबेन्‍मु आमा न बु।

१ कोरिन्थी 11:34

कोङनिम मु़चु़ क्रु़म सिपा बु माला गुका नेमडाङा पु़नु़, मेम्‍साका गानी कोदेप घ्रो़म्‍निलो गानीडला देन्‍दे मेरोनु़। वाङमिम ल्‍वाकु दुथाम गो रोङुमा सीनिनी।

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।