कलस्‍सी 2:23 - थुलुङ राई

²³ आरेप्‍माम डु़म्‍लामिम बिसिक्‍साका मु़चु़मिमका माम्‍चु़नी गेर्सिबेन्‍मु लागि छो़म छो़मी, याक्‍के दु़म्सी रेम्बोमी, मा त्‍वाकु मिरो़मलाई दु़खा वो ग्‍वामी। मेम्मिमका ओर्मिम ल्वा ने नेप्‍चीनुङमा होप्माम ल्वासी, लावो ओर्मिम ने मु़चु़मिमलाई त्वाकु मेजो़पा नमिम ल्वाडा जो़होमका जु़ल्‍मु हाम ना हामकाम दु़म।

कलस्‍सी 2:23 Referans Kwoze

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

१ तिमोथी 4:3

मेर्मिमका लालीकुन्‍दा मेबेनी र्‍वामी। मेकोतिमा थो़र लु़पामिम नुङ आच्‍छाङाकाम ल्‍वा चक्‍पामिमका आला-तोमानुङ पोमु बासिक्‍पा माम्‍चु़नीका प्रङ्‌मिडिम याङ-याङ पोमु-डुमुडाम वाङ बानी र्‍वामी।

कलस्‍सी 2:22

ओर्मिम खोत्‍ले ने मोकी मा पारी। ओर्मिम डु़म्‍ला ने मु़चु़का बनेबेम्‍डिमा सीट्‌मिडिम कोङङा सो़।

एफिसी 5:29

उ त्‍वाका त्‍वापलाईङा मेद्‌वाक्‍पा मु़चु़ मेदु़म, लावो उ त्‍वाकु मिरो़मलाई पोमुडुमु ग्‍वाक्‍तो जो़होमनु़म बु़। मेम्‍साकाङा ख्रीष्‍टका वो उनी त्‍वाकु मण्डलीलाई जो़होमनु़म बोमी,

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।