कलस्‍सी 2:20 - थुलुङ राई

²⁰ गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?

कलस्‍सी 2:20 Referans Kwoze

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

कलस्‍सी 2:16

मेम्‍मिमका पोनी-डुनिमिमकु दुथाम, लाले पाङके बेपा चाड लोवो, ख्‍लो़मु-द बोमु चो़म्‍डु़लोम चाड लोवो, ङेम्‍सिमुनेमकाम लावो, हेङा मानेमेबोनिमिम र्‍वाक्‍साका सु़का वो मेजो़पा ल्‍वा इनीमा बुइडला मेउन्‍मिनु़।

गलाती 4:3

आरेसाकाङा गुइ वो चो़च्‍चो़ बाइडिम थारीका मु़चु़मिमलाई त्‍वाकु ल्‍वाडा जु़ल्‍पा सु़म्‍दिसेरडा सीसिमिमकु डु़ल्‍चो़ दु़स्‍तिम बाइडा।

कलस्‍सी 2:14

गुइ छु़ल बिडिमका देन्‍दे ल्‍वामु बासी र्‍वाक्‍साका इकीमा कोर्थो़लाम र्‍याक्‍मा ल्‍वा ख्रीष्‍टकु क्रूसडा काँटीका चेसाका पार्साड्‌डामी।

१ यूहन्‍ना 5:19

गुइ माम्‍चु़नीकु चो़च्‍चो़मिम मा ओराम खोत्‍ले सु़म्‍दिसेर शैतानकु ल्‍वाडा बु र्‍वाक्‍पा च।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

२ कोरिन्‍थी 10:3

गुइ सु़म्‍दिसेरडा बुइ लोवो सु़म्‍दिसेरडाम मु़चु़मिमका होङङा गुइ क्‍वाल्‍बा बिइहोम मेबुइ।

यूहन्‍ना 15:19

गानी सु़म्‍दिसेरकु मु़चु़ दु़म्‍निवाम माला मेर्मिमका गानीलाई त्‍वाकु मु़चु़ मिम्‍निवामा रिखाम बेनिवा। लावो गानी ने सु़म्‍दिसेरकु मु़चु़ मेएँ। गानीलाई सु़म्‍दिसेरलामका गो छेट्‌निनी मेम्‍मिमका गानीलाई सु़म्‍दिसेरडाम मु़चु़मिमका मेद्‌वानिमी।

एफिसी 2:15

यहूदीमिमकु डु़म्‍लाका र्‍वामिम थो़मुबासिक्‍पा ल्‍वा ने हापा बाइडा। लावो ख्रीष्‍ट उनी त्‍वाप क्रूसडा सिसाका मेराम डु़म्‍ला डाम्‍सोम्‍डी। गुमीका यहूदी नुङ वाङसामा मु़चु़मिमलाई त्‍वाकु कोलेङा लाले सामा बनेबेसाका उनी न-गो दु़बेट्‍पा ख्रीष्‍टकाम न बाइडा।

कलस्‍सी 3:3

हेङालोने ङादोम इनीमा बासी-दोसी हुक्‍ताम बु मा इनीमा आच्‍छाङाकु त्‍वारो़म माम्‍चु़नीडा ख्रीष्‍टनुङ थक्‍मा बु।

कलस्‍सी 2:21

“मेझेट्‌नी, मेदो़प्‍नी, मेलु़प्‍नी” र्‍वाक्‍मा सु़म्‍दिसेरकु डु़म्‍लामिम हेङा बोनिमिम?