कलस्‍सी 2:15 - थुलुङ राई

¹⁵ मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

कलस्‍सी 2:15 Referans Kwoze

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

एफिसी 4:8

मेम्‍मिमका माम्‍चु़नीकु सिजेमडा आरेसाका र्‍याक्‍मा बु: “गुमी गेले लम्‍डिलो उनीमा स्‍वाक्‍चिमोमिमलाई घ्‍ल्‍वासाका चु़म्‍मा मु़चु़मिमलाई गुमीनुङ लम्‍डी, मा मु़चु़मिमलाई उपहार ग्‍वाम्‍डी।”

मत्ती 12:29

कोङनिमका सोनुङमा मु़चु़कु नेमगोनो हुसाका उ खाप्‍चीमिम खुमु न बु़डु़ माला गुका ङादो मे सोनुङमा मु़चु़लाई बन्‍मु बासी। मेम्‍मा मे नेमगोनोम खाप्‍चीमिम खुमु चाप्‍सु़।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

यूहन्‍ना 16:11

मेम्‍मा निया दु़म्‍पाकु दुथाम सु़म्‍दिसेरका ख्‍लो़ड्‌डु़म बु, हेङालोने ओराम सु़म्‍दिसेरकु साखामचो़लाई देन्‍दे ग्‍वाक्‍पा मुलु़ दु़स्‍ल्‍याड्‌डाम बु।

लूका 10:18

गुमीका मेर्मिम मु़चु़लाई र्‍वाम्‍डी, “ब्‍ल्‍याक्‍ची ओपा होङङा पाह्रीलामका शैतान आल्‍स्‍ताम गो ल्‍वाउतो।

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

कलस्‍सी 1:16

हेङालोने पाह्रीला मा सुबुडा बाट्‌पामिम, मिक्‍सीका ल्‍वासिमिम, मेल्‍वासिमिम, साखाम थो़पा गन्‍खोपमिम दु़म्‍नु़का यु़ममिम, साखामचो़मिम दु़म्‍नु़का डोक्‍पुमिम, खोत्‍लेलाई माम्‍चु़नीका ख्रीष्‍टलामका प्रङ्‌मिडी। माम्‍चु़नीका खोत्‍ले ख्रीष्‍टलामका मा ख्रीष्‍टकाम लागि प्रङ्‌मिडी।

लूका 11:22

लावो गुडाम वो घ्‍ल्‍वापा सोनुङमा मु़चु़ रोक्‍तामा गुनुङ क्‍वाल्‍बा बेसाका घ्‍ल्‍वास्‍तु़ माला, मेराम सोनुङमा मु़चु़का थो़रबु़डु़म गिजो-वाजो रोडु़मा ल। मेकोतिमा रोडु़मा लमिम खोत्‍ले खाप्‍चीमिम वाङमिमलाई दो़यु़साडु़मी।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

यूहन्‍ना 19:30

येशूका मेराम दो़प्‍मिडिमा र्‍वाम्‍डी, “हुक्‍ता।” मेम्‍मा कुम्‍सिम्‍डिमा उनीमा साम लस्‍ता।

१ कोरिन्थी 15:24

मेम्‍मा हुक्‍पा थारी रो। मेकोतिलो ख्रीष्‍टका खोत्‍ले किब्दी थो़पा साखाम, खोत्‍ले साखाम मा खोत्‍ले यु़म पुयु़लुमिमा किब्‍दी माम्‍चु़नी पापकु ल्‍वाडा ग्‍वामी।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

एफिसी 3:10

ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।