कलस्‍सी 2:11 - थुलुङ राई

¹¹ गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

कलस्‍सी 2:11 Referans Kwoze

रोमी 2:29

नगोलामका यहूदी दु़म्‍पा कोङङा यहूदी सो़, मा आच्‍छाङाकाम खिरिरि क्रिप्‍सी ने नगोडा दु़म्‍पा ल्‍वा सो़, ओराम ने माम्‍चु़नी-पेललाम दु़म्‍पा ल्‍वा सो़, डु़म्‍लाडा र्‍यासिट्‍पा ल्‍वा मेएँ। आरेप्‍माम मु़चु़लाई मु़चु़का मेएँ, माम्‍चु़नीका जो़पा मिम्‍मी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

हिब्रू 9:24

येशू ख्रीष्‍ट मु़चु़का बनेबेम्‍मा सेपा खोमगोनो मेहुमिवा, उहेम आच्‍छाङाकाम सेपा खोम होप्‍माम कोङङा सो़। लावो गुमी ने पाह्रीलाम आच्‍छाङाकाम सेपा खोमडा लम्‍डी। गुमी ओम्‍लो इकीमा लागि माम्‍चु़नीकु ङादोडा बुमी।

हिब्रू 9:11

येशू ङादोङा रोमु दु़स्‍तु़म जो़पा ल्‍वामिमकु डु़म्‍लाचो़ दु़म्‍साका रोम्‍डिम बु। मेम्‍मा गुमी सेपा नुङ खोमडाम डोक्‍पु डु़म्‍लाचो़ सो़। उहेम सेपा खोम ओराम सुबुडा प्रङ्‌सिड्‌डाम मिबु मा मु़चु़कु ल्‍वाका बनेबेम्‍मा वो मेएँ।

२ कोरिन्‍थी 5:1

गुइ बुइमिम ओराम क्‍वाकु मिरो़म पुयु़लु लोवो पाह्रीला हेल्‍लो वो पुयु़ मेलुक्‍पा बाखोप माम्‍चु़नीका इकीमा लागि बनेबेम्‍डिम बु। गुइ ओराम च, मेराम ने मु़चु़कु ल्‍वाका बनेबेम्‍मा मेएँ।

थु़र्मा 17:24

“सुबु नुङ मेगोडा बाट्‌पामिम खोत्‍ले प्रङपा माम्‍चु़नी गुमी ङा सो़। गुमी सुबु नुङ पाह्रीकाम मिप्रङमा सो़, मेम्‍मिमका मु़चु़का बनेबोमिम सो़रनेमडा मेबुमी।

थु़र्मा 7:48

“मेम लावो ल्‍वाका बनेम्‍मा सो़रनेममिमबाडे पाह्रीलाम माम्‍चु़नी मेबुमी, माम्‍चु़नीलाम-जेपाका आरेसाका र्‍वाक्‍ताम बु:

लूका 2:21

लेतलेम नेम मे चो़च्‍चो़कु खिरिरि क्रिप्‍मिडी, मा उनीमा नङ येशू बाबेट्‌मिडी। मेराम नङ उनी मामकु ङेलगोनो गुमी मुन्‍मु ङादो पाह्रीचो़का र्‍वाक्‍ताम बाइडा।

मर्कूस 14:58

“ओरामका आरे र्‍वाक्‍ताम गुकु थो़त्तोको, ‘मु़चु़कु ल्‍वाका बनेबेम्‍मा ओराम सो़रनेम फालुमा कोङमी सो़रनेम सुलेमनेम गो बनेबेउसोक्‍पु, मेराम ने मु़चु़मिमका बनेबोमिमिम ने मेएँ’।”

रोमी 7:24

गो हाङको नाम्‍नाम्चो़ मु़चु़, ओराम सिमुलाम रेट्‍पा मिरो़मलाम गोलाई सु़का सेल्‍मु चाम्‍ङी?

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।