कलस्‍सी 1:4 - थुलुङ राई

⁴ हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

कलस्‍सी 1:4 Referans Kwoze

एफिसी 1:15

मेम्‍मिमका ङाचो़ येशूडा इनीमा थो़र बुमिम नुङ माम्‍चु़नीकु मु़चु़मिमडलाम इनीमा रिखामकु दुथाम गो थो़उतोमका,

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

१ यूहन्‍ना 4:16

माम्‍चु़नीका हाङको छो़म रिखाम बेसाड्‌डामी, मेराम गुइ च, मा गुमीडा थो़र लु़इ। माम्‍चु़नीका खोत्‍ले मु़चु़लाई खोत्‍लेडा रिखाम बोमी, मा उहेम मु़चु़ रिखामडा बु मेराम मु़चु़ माम्‍चु़नीडा बु मा माम्‍चु़नी मेरामकाडा बुमी।

फिलेमोन 1:5

हेङालोने ङाचो़ येशूडला बेन्‍नाम इमा थो़र नुङ माम्‍चु़नीकु मु़चु़मिमलाई बेत्तोङा लेनामिम रिखामकु दुथाम गो थो़उतोम बु।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

२ कोरिन्‍थी 7:7

गु रोक्‍तामका कोङङा मेएँ, लावो गानी उमा सो हन्‍बेसाट्‌निमका वो आमा सो हन्‍डाम बाइडा। गोनुङ आथावो घ्रो़म्‍मु इनीमा न बु ए र्‍वाक्‍साका गुका गुकुनुङ सो़यु़डु़। ङादो गानी ख्‍लो़ट्‌निम ल्‍वाकु दुथाम खोर्सो़ट्‍नी मा गोलाम बासिट्‍नीमा जेन्‍निम ल्‍वाकु दुथाम वो सो़यु़डु़। गो ओर्मिम खोत्‍ले ल्‍वा थो़उतोमा छो़म भ्रङ्‌सिङ्‌डो।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।