कलस्‍सी 1:25 - थुलुङ राई

²⁵ माम्‍चु़नीका ङा गोलाई उनीमा डु़ल्‍चो़ दु़म्‍बेट्‍ङिडिमी, मा गानीलाई खोत्‍ले उनीमा सिजेम सो़साका मण्‍डलीकु खारी बेपा खुन्‍चु़म गुमिकाङा ग्‍वाङ्‌डिमिम बु।

कलस्‍सी 1:25 Referans Kwoze

एफिसी 3:2

इनीमा लागि ङा गो माम्‍चु़नीकाम न-थो़मकु खारी बेपा खुन्‍चु़म ल्‍वाउतोम बु र्‍वाक्‍पा गानी थो़न्‍निमङा बु।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

एफिसी 3:7

माम्‍चु़नीकु डोक्‍पु दिदाम नुङ यु़मलामका माम्‍चु़नीका गोलाई राप्‍लावा ग्‍वाक्‍साका जो़पा-सेला थो़बेट्‌पा उनीमा डु़ल्‍चो़ दु़म्‍बेट्‌ङिडिमी।