कलस्‍सी 1:22 - थुलुङ राई

²² लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

कलस्‍सी 1:22 Referans Kwoze

एफिसी 5:27

मा गुइ थो़रलु़पामिम मेजो़पा खारी मान्‍थिम, छु़ल मान्‍थिम, मा वाङमी हाम वो मेजो़पा ल्‍वा मान्‍थिम बनेबेसाका उनीमा ङादोडा सेपा नुङ मेख्‍लो़ट्‌पा मण्डली दु़म्‍बेन्‍मु लागि गुमीका उनी त्‍वापलाईङा सासेन्‍सिम्‍डी।

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

हिब्रू 10:20

रिपा-ये होल्‍साका डोक्‍पु सेपा खोमगोनो हुपा कोले लाले नुङ त्‍वारो़म ग्‍वाक्‍पा लाम्‍दी रेम्‍बेम्‍डिम बु, मेराम रिपा-ये ने ख्रीष्‍टकु मिरो़म सो़।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

लूका 1:75

माम्‍चु़नीकु लाम्‍दीडा लाम्‍दिसाका उनीमा लाले-पाङके इकी साम बुमिमसम्‍म सेपा दु़म्‍साका बोमु ल्‍वासिनु़।

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

२ कोरिन्‍थी 5:18

ओर्मिम खोत्‍ले माम्‍चु़नीका बेम्‍डिम सो़। गुमीका ख्रीष्‍टलामका उनीमा नुङ इकीमा न-थो़म घ्रो़म्‍बेसाड्‌डामी मा वाङमिम मु़चु़काम न-थो़म गुमीनुङ घ्रो़म्‍बेट्‌पा खारी वो गुइलाई ग्‍वाक्‍साड्‌डामी।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।