कलस्‍सी 1:16 - थुलुङ राई

¹⁶ हेङालोने पाह्रीला मा सुबुडा बाट्‌पामिम, मिक्‍सीका ल्‍वासिमिम, मेल्‍वासिमिम, साखाम थो़पा गन्‍खोपमिम दु़म्‍नु़का यु़ममिम, साखामचो़मिम दु़म्‍नु़का डोक्‍पुमिम, खोत्‍लेलाई माम्‍चु़नीका ख्रीष्‍टलामका प्रङ्‌मिडी। माम्‍चु़नीका खोत्‍ले ख्रीष्‍टलामका मा ख्रीष्‍टकाम लागि प्रङ्‌मिडी।

कलस्‍सी 1:16 Referans Kwoze

रोमी 11:36

हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

यूहन्‍ना 1:3

माम्‍चु़नीका गुमीलामका खोत्‍ले प्रङ्‌मिडी, मा गुमी मान्‍थि कोले वो मेप्रङ्‌सिप्‍मिवा।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

हिब्रू 2:10

माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

कलस्‍सी 1:15

मिक्‍सीका ल्‍वामु मेझापा माम्‍चु़नी गुइ ख्रीष्‍टडा ल्‍वामु चाप्सी। माम्‍चु़नीका प्रङ्‌मिडिम खोत्‍लेडला ख्रीष्‍टकु साखाम बु।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

फिलिप्‍पी 2:10

मेम्‍साका पाह्रीला, सुबुडा मा सुबुकु गोयु़ बाट्‌पामिम खोत्‍लेका येशूकु नङडा क्रचु़खुम बोमु बासी,

कलस्‍सी 1:20

माम्‍चु़नीका क्रूसडला ख्रीष्‍ट सासेन्‍सिम्‍डिम सिसिका न-थो़म घ्रो़म्‍बेसाका सुबुडाम नुङ पाह्रीलाम खोत्‍लेलाई ख्रीष्‍टलामका गुमीनुङ कोदेप बोमु वो द्‍वाम्डी।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

कलस्‍सी 2:15

मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

रोमी 8:38

हेङालोने उहेम ल्‍वाका वो ख्रीष्‍टकु रिखामलामका गुइलाई वाङ बोमु मेचाप्‍सा र्‍वाक्‍पा गुइ चडिम बु। ना सिमुलामका ना त्‍वारो़मका ना पाह्रीचो़मिमका ना मुनाङपेलमिमका ना ओम्‍लोम नुङ दिफु दु़म्‍पा ल्‍वामिमका, ना कोङनिम यु़मका,

यूहन्‍ना 1:10

गुमी सु़म्‍दिसेरडा बाम्‍डी, मा माम्‍चु़नीका गुमीलामकाङा सु़म्‍दिसेर प्रङ्‌मिडी, लावो सु़म्‍दिसेरका गुमीलाई मेछेडु़वा।

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।