कलस्‍सी 1:13 - थुलुङ राई

¹³ गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

कलस्‍सी 1:13 Referans Kwoze

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

१ यूहन्‍ना 2:8

मेम मावो गानी बोमु बासिक्‍पा कोले नले ल्‍वा गानीलाई र्‍याक्‍तोङा बेउ। ओराम आच्‍छाङा ख्रीष्‍टडा बु मा गानीडा वो बु। हेङालोने तुकुम्‍चिम दाम्‍तोङा लेडु़ मा आच्‍छाङाकाम ओल ङादो आथामङा झ्‍वाहोम बु।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

लूका 13:24

“माम्‍चु़नीकु किब्‍दीगोडा हुपा कतिभापा लाम्‍चोकोलाम मेचाप्‍तो हुनी, हेङालोने हापा मु़चु़मिमका मेगोनो हुमु माल्‍मी, लावो हुमु मेचाम्‍मी।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

यूहन्‍ना 3:35

पापका तारापाचो़लाई रिखाम बोमी, मा खोत्‍ले उनीमा ल्‍वाडाङा ग्‍वाम्‍डिम बु।

२ कोरिन्‍थी 11:14

ओराम इकीमा लागि ङाङाया दु़म्‍बेट्‌पा ल्‍वा मेएँ। शैतान वो ओलडाम पाह्रीचो़ होङङा लिम्‍सिमु चाप्‍सु़।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।