कलस्‍सी 1:1 - थुलुङ राई

¹ माम्‍चु़नीकु नलामका ख्रीष्‍ट येशूकु थु़र्मा मु़चु़ दु़म्‍ङोडोम गो पावल नुङ गुइ होम्‍साकाङा येशूडा थो़र बेपा ल्वाक तिमोथीका,

कलस्‍सी 1:1 Referans Kwoze

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

फिलेमोन 1:1

ख्रीष्‍ट येशूकु जो़पा-सेला थो़बेत्तोमिलो चसिङडोम गो पावल नुङ इकीमा ल्‍वाक तिमोथीका, आकीमा द्‌वादीबुङ ङोप्‍सो़ मा गुकुनुङ खारी बेपा फिलेमोनलाई ओराम सेलाखाजेम र्‍याक्‍चोकोम बु।

१ कोरिन्थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टका उनीमा थु़र्मा मु़चु़ दु़म्‍मु छेट्‌ङिडिमिम गो पावल मा गोनुङ लाम्‍दिपा आकीमा ल्‍वाक सोस्‍थेनेसलामका सो़।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

हिब्रू 13:23

ओराम सेला वो थो़नी। इकीमा ल्‍वाक तिमोथी झ्‍यालखानलामका लुमु दु़स्‍तु़म बु। गु दालाङा आमाडा रोक्‍ता माला गुनुङङा गो गानीलाई क्रो़म्‍डा रोङु।