थु़र्मा 9:40 - थुलुङ राई

⁴⁰ मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

थु़र्मा 9:40 Referans Kwoze

मत्ती 9:25

येशूका सेर्पा मु़चु़लाई पाखानो ख्‍लुम्‍डिमा गुमी नेमगोनो हुम्‍डी। मेम्‍मा गुमीका मे चो़च्‍चो़कु ल्‍वाडा झेट्‌मिडिमा मे चो़च्‍चो़ हुबक्‍ता।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

लूका 8:54

लावो गुमीका मे चो़च्‍चो़कु ल्‍वा झेट्‌मिडिमा आरे र्‍वाम्‍डी, “यु़म्‍पी, बका।”

थु़र्मा 20:36

आकोति र्‍वाक्‍तामा पावलका क्रचु़खुम बु़डु़, मा मेर्मिम खोत्‍लेनुङ कोयोङा सो़म्‍दी बु़डु़।

लूका 22:41

मेकोतिमा येशू सीसिपामिमडाम सुक धु़म (३०) मिटर को-को भाल लम्‍डिमा क्रचु़खुम बेसाका सो़म्‍दी बोमु चो़म्‍मिडी,

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

मत्ती 6:6

लावो गानी सो़म्‍दी बोनिलो नेमकु गोनोम बाखोपनो हुनी। लाम्‍चोको चनिमा सु़का वो ल्‍वामु मेचाप्‍मिमिम माम्‍चु़नी इनी पापलाई सो़म्‍दीडा देप्‍नी। मेम्‍मा मेल्‍वाहोमका बोनिमिम खारी ल्‍वापा माम्‍चु़नी इनी पापका गानीलाई पुरस्‍कार ग्‍वानी।

थु़र्मा 28:8

पब्‍लियसकु पाप डार्चु़मोका नुङ सिसि-एपा सोमोरीका झार्ल्‍याक्‍पा बाइडा। पावलका गुलाई क्रो़म्‍डा लस्‍तामा मेरामडला ल्‍वा जु़ल्‍साका सो़म्‍दी बु़डु़मा सबेड्‌डु़।