थु़र्मा 9:39 - थुलुङ राई

³⁹ पत्रुस बक्‍तामा मेर्चिपनुङ लस्‍ता। पत्रुस योप्‍पाडा रोक्‍फाड्‌डामा मु़चु़मिमका गुलाई नेमडलाम बाखोपडला लम्‍डी। खोत्‍ले अर्दोमेमिमका ने तबीता मेर्मिम खोत्‍लेनुङ बाइडालो बनेबु़डु़म हुम-ये नुङ वाङमी ये रेम्‍बेत्तो पत्रुसलाई उर्मिडिमा ख्राप्‍मिडी।

थु़र्मा 9:39 Referans Kwoze

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ थेसलोनिकी 4:13

वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

थु़र्मा 9:41

पत्रुसका तबीता उ ल्‍वाड्‌डा झेड्‌डु़मा हुफक्‍तु़। मेकोतिमा थो़रलु़पामिम नुङ अर्दोमेमिमलाई येड्‌डु़मिमा तबीता नु़पाङा रेम्‍बेड्‌डु़मी।

थु़र्मा 8:2

माम्‍चु़नीकु सो़रलोले बेपामिमका स्‍तिफनसलाई लम्‍डिमा क्‍लु़म्‍मिडी, मा उमा दुथाम छो़म ख्राप्‍मिडी।

थु़र्मा 6:1

मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

यूहन्‍ना 17:12

गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

यूहन्‍ना 12:8

उनी हाम वो मेबाट्‌पामिम ने गानीनुङ हेल्‍लो लोवो दु़म्‍मी, लावो गो ने गानीनुङ हेल्‍लो लोवो मेदु़म्‍ङु।”

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

मर्कूस 14:8

ओराम मेसेमका हाम चाप्‍स्‍तु़म बु मेरामङा बेत्तोलेडु़। ओरामका आमा रो़म क्‍लु़म्‍मु ङादोङा झो़म्‍सिबेन्‍मु लागि भ्रपा नेम्‍पा तेलका क्‍लमु दु़म्‍स्‍तु़म बु।

मत्ती 26:11

हेङालोने उनी हाम वो मेबाट्‌पा मु़चु़मिम ने हेल्‍लो लोवो गानीनुङङा दु़म्‍मी। लावो गो ने गानीनुङ हेल्‍लो लोवो मेदु़म्‍ङु।

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”

थु़र्मा 1:13

मेकोतिमा मेर्मिम शहरगोनो हुम्‍डिमा मेर्मिम बाथाल्‍पा नेमडलाम बाखोपडला हुम्‍डी। मेर्मिम पत्रुस, यूहन्‍ना, याकूब, अन्‍द्रियास, फिलिप नुङ थोमा, बारथोलोमाइ नुङ मत्ती, अल्‍फयसकु तारापाचो़ याकूब, सिमोन कनानी नुङ याकूबकु तारापाचो़ यहूदा मेसिन्‍डा बाम्‍थाल्‍मिडी।

१ तिमोथी 5:3

उनी त्‍वापलाई रेपा सु़ वो मेबाट्‌पा अर्दोमेमिमलाई जो़होमका रेप्‍डामी।

१ तिमोथी 5:5

उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।