थु़र्मा 9:36 - थुलुङ राई

³⁶ योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।

थु़र्मा 9:36 Referans Kwoze

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

१ थेसलोनिकी 4:10

खोत्‍ले माकेडोनियाडाम थो़रलु़पामिम खोत्‍लेलाई गानी आच्‍छाङा रिखाम बोनी। वा-ल्‍वाकनी, मेमकाङा आथावो हापा रिखाम बेत्तो लनी र्‍वाकु।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

यूहन्‍ना 15:8

गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

थु़र्मा 9:38

लुड्‍डा योप्‍पाकु फार्डा ङा बेडु़मिमका पत्रुस मेसिङा बु ए र्‍वाक्‍पा थो़रलु़पामिमका थो़म्‍डी। मेम्‍मा मेर्मिमका नले मु़चु़लाई आरे बेम्‍डिमा पत्रुसकाडा थु़र्मिडी, “दालाङा आकीमाडा रोक्‍नी।”

थु़र्मा 9:42

ओराम ल्‍वा योप्‍पाडा खोत्‍लेथो़ फोन्‍सिड्‌डा, मा मु़चु़मिम हापाका येशूडा थो़र लु़म्‍डी।

थु़र्मा 10:8

मा मेर्मिमनुङ खोत्‍ले ल्‍वा सो़यु़डु़। मेकोतिमा योप्‍पायु़ थु़र्स्‍तु़मी।

थु़र्मा 10:23

मेकोतिमा पत्रुसका मेर्मिमलाई मेराम नेम्‍था बुमु नेमगोनो येड्‌डु़मी। उ दिकाम नेम पत्रुस झो़म्‍सिड्‌डामा मेर्मिमनुङ लस्‍ता। योप्‍पाडाम कोले नले थो़रलु़पामिम वो पत्रुसनुङ लम्‍डी।

थु़र्मा 11:5

गुका र्‍वाक्‍ता, “कोलेम योप्‍पाडा सो़म्‍दी बेउतोम बाङडोलो, आ न ना थो़म होप्‍माम दु़म्‍ङोडो, मा मिक्‍सीलाम ल्‍वाउतो। ब्‍ल-सुरडा बन्‍थाट्‌मा प्‍लान बेखोप होप्‍माम कोले ये पाह्रीलामका आमाथो़ योक्‍तोङा बु़डु़।

थु़र्मा 11:13

कर्नेलियसका गुकुनुङ र्‍वाक्‍ता, ‘कोङ पाह्रीचो़ उमा नेमडा रेम्‍बेसिड्‌डामा आरे र्‍वाक्‍ताम बाइडाम गुका थो़स्‍तु़, “पत्रुस र्‍वाक्‍मा सिमोनलाई येड्‌डा मु़चु़मिम योप्‍पायु़ थु़रामी।

मत्ती 25:17

मेम्‍साकाङा नले सो़नाकु खउलुङ ल्‍वापाका वो आथावो नले खउलुङ डु़प्‍डु़।