थु़र्मा 9:34 - थुलुङ राई

³⁴ पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 9:34 Referans Kwoze

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

थु़र्मा 3:6

मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”

मत्ती 9:6

लावो सुबुडा छु़लमिम हेप्‍साक्‍पा साखाम मिनीचो़नुङ बु र्‍वाक्‍पा गानी ओरामलामकाङा चनी।” मेकोतिमा गुमीका उ ल्‍वा-खेल सोक्‍पा मु़चु़लाई र्‍वाम्‍डी, “बका, इ प्‍लान फकामा नेम लक्‍सा।”

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

थु़र्मा 3:16

उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

मत्ती 8:3

गुमीका उनी ल्‍वा हम्‍मिडिमा मेराम मु़चु़लाई लु़प्‍मिडी। मेम्‍मा र्‍वाम्‍डी, “गो न बेउ, गाना सेपा दु़म्‍नानु़।” मेकोतिलोङा मेरामकु जोन हेम्‍ल्‍यासिड्‌डा।

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

थु़र्मा 9:33

मेसिन्‍डा गुका एनियास र्‍वाक्‍मा कोले मु़चु़ डार्स्‍तु़। गु लेतले (८) थ आथाम उ ल्‍वा-खेल सोक्‍पा सोमोरीका प्‍लानडा झार्ल्‍याक्‍पा बाइडा।

थु़र्मा 9:35

मेकोतिमा लुड्‍डा नुङ शारोनडाम खोत्‍ले मु़चु़मिमका एनियास सस्‍ताम ल्‍वाम्‍डिमा येशूडा थो़रलु़म्‍डी।