थु़र्मा 9:31 - थुलुङ राई

³¹ मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

थु़र्मा 9:31 Referans Kwoze

रोमी 5:5

हाम-हुम ल्‍वामु लागि हेल्‍लो वो इनी पाउ मेसोनु़। हेङालोने माम्‍चु़नी-पेललाम उनीमा रिखाम इकीमा न-गोडा देम्‍बेट्‌मिडिम बु।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 10:8

ङाचो़का गुकुलाई ग्‍वाक्‍तिकिमिम ओराम साखाम गानीलाई पुयु़लुबेन्‍मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्‍पु लिसिङडो लोवो आमा क्रो़म मेलु़।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

थु़र्मा 16:5

मेम्‍मिमका मण्‍डलीमिमकु थो़र बर्तो लस्‍ता, मा येशूडा थो़रलु़पामिम हेल्‍लो लोवो बर्तो लम्‍डी।

थु़र्मा 12:24

लावो माम्‍चु़नीकु सिजेम बर्तो नुङ फोन्‍सिक्‍तो लस्‍ता।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

यहूदा 1:20

लावो द्‌वादीबुङ ङोप्‍सो़नी, छो़म सेपा इनी थो़रलु़सीडा बर्तो लक्‍नी, मा माम्‍चु़नी-पेलडा सो़म्‍दी बेनी।

हिब्रू 4:9

माम्‍चु़नी येत्‍नोम नेम ङेम्‍सिम्‍डिम होम्‍साकाङा माम्‍चु़नीकु मु़चु़मिमकाम लागि वो ङेसिक्‍पा नेम जु़ल्मिडिम बु।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

फिलिप्‍पी 2:1

ख्रीष्‍ट नुङ कोले दु़म्निमका इनीमा सोहन्‍पा बु। उनीमा रिखामका न बन्‍सिक्‍पा बुनी, माम्‍चु़नी-पेलनुङ हेमकेमडा बुनी, द्‌वामसिमु नुङ नाम्नाम्चो़ लु़निमिमका,

एफिसी 5:21

ख्रीष्‍टलाई डोक्‍पु मिम्‍निमिमका इनी त्‍वापगोडा वो कोले कोङमीकु ल्‍वाडा बाट्‍पा दु़म्‍नी।

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

एफिसी 4:16

गुमीलामकाङा मिरो़मडाम खोत्‍ले अंगमिम गुमीडाङा दु़म्‍साका त्‍वाप-त्‍वापडा जो़होमका हाम्‍सिम्‍डिम बु। खोत्‍ले अंगमिमका त्‍वा-त्‍वाहोम खारी बोमिलो रिखामलामका सोनुङमा दु़म मा मिरो़म बर्तो ल।

२ कोरिन्‍थी 12:19

गुकु आकी त्‍वापलाई बोमु-थार्मु ओर्मिम खोत्‍ले ल्‍वा बोकुमिम र्‍वाक्‍पा हाम गानी मिम्‍निम बुनी? द्‍वादीबुङ ङोप्‍सो़नी, माम्‍चु़नीकु ङादोडा ख्रीष्‍टकु डु़ल्‍चो़मिम होप्‍माम दु़म्‍साका गुकु जेकु। गानीलाई सोनुङमा दु़म्‍बेन्‍मु लागि गुकु ओर्मिम खोत्‍ले खारी बोकु।

१ कोरिन्थी 14:26

वा-ल्‍वाकनी, गो र्‍वामु माल्‍तोम ल्‍वा ओरामङा सो़। सो़रलोले बोमु गानी कोदेप खोम्‍सिनिलो कोलेका काम्‍सो बु़, कोङमीका सिजेम सीडु़मी, कोङमीका माम्‍चु़नीका रेम्‍बोमिमिम ल्‍वा सो़यु़, कोङमीका थेसिमेथेडिमिम वाङमी ल्‍वालाम जे मा कोङमीका जेम्‍मा ल्‍वाकु दुथाम सो़यु़। ओर्मिम खोत्‍ले ल्‍वाका मण्‍डलीलाई यु़मनुङमा दु़म्‍बेन्‍मु बासी।

१ कोरिन्थी 14:12

मेप्‍मामङा गानी वो माम्‍चु़नी-पेलकु राप्‍लावामिम ल्‍वामु छो़म न बेन्‍निमका मण्‍डली यु़मनुङमा दु़म्‍तो लक्‍पा राप्‍लावामिम माल्‍नी।

रोमी 14:19

मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

थु़र्मा 5:11

खोत्‍ले मण्‍डली नुङ ओराम ल्‍वा थो़पा खोत्‍ले छो़म ङिम्‍डी।

थु़र्मा 20:32

“आथा गो गानीलाई माम्‍चु़नीकु ल्‍वाड्‌डा नुङ उनी दिदामकु सिजेमडा जु़ल्‍निनी, मेरामलामका माम्‍चु़नीका इनीमा थो़र बर्बेत्तो लमी, मा उनी त्‍वाकु मु़चु़मिमगोडा जि ल्‍वापा दु़म्‍बेनी।