थु़र्मा 9:29 - थुलुङ राई

²⁹ शाऊलका ग्रीक ल्‍वा जेपा यहूदीमिमलाई वो ल्‍वालामका खाल्‍थाल्‍लु़मी। मेम्‍मिमका मेर्मिमका गुलाई सेन्‍मु माल्‍थाल्‍मिडी।

थु़र्मा 9:29 Referans Kwoze

थु़र्मा 6:1

मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

यहूदा 1:9

डोक्‍पु पाह्रीचो़ मिखाएलका वो मोशाकु सिपा मिरो़मकु दुथाम शैताननुङ फइडालो गुलाई डक्‍साका जेत्तो मुमा बेन्‍मु मेचाप्‍साका आरे र्‍वाक्‍ताम बाइडा, “ङाचो़का गानालाई भुर्नामिनु़।”

२ कोरिन्‍थी 11:26

गो हापाखेप दु़पा लाम्‍दी लाम्‍दिङ्डोलो ब्‍लोकुडाम, खुचु़वामिमडाम, आमा त्‍वाकु सामा यहूदीमिमडाम, वाङसामामिमडाम गोलाई हापा ङिम बाइडा। शहरडा, सो़ब्‍दीडा, दिरिदिनडा मा थो़रलु़पा लिसिक्‍पामिमडाम वो हापा ङिम बाइडा।

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 17:17

मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 9:27

लावो बारनाबासका शाऊललाई रेड्‌डु़मा थु़र्मामिमकाडा रोक्‍ता। मेकोतिमा शाऊल दमस्‍कसथो़ लाम्‍दित्तोङा लेड्‌डु़लो हेसाका मिप्रङमा ल्‍वास्‍तु़म बाइडा, मा मिप्रङमाका शाऊललाई हाम र्‍वाम्‍डिम बाइडा, मा गुका दमस्‍कसडा येशूकु दुथाममिम सिजेम हेसाका मेङिसाका ङा दो़स्‍तु़म बाइडा, मेर्मिम खोत्‍ले बारनाबासका मेर्मिमनुङ सो़यु़डु़।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

थु़र्मा 9:28

मेकोतिमा शाऊल मेर्मिमनुङ यरूशलेमडा कोयो-कोयोङा बान्‍तेमेनो लाम्‍दिमु चो़म्‍डु़, मा मेङिसाका ङा येशूकु दुथाममिम सिजेम थो़बेन्‍मुमि चो़म्‍डु़।

थु़र्मा 22:18

मेकोतिलो गुमीका गोनुङ आरे र्‍वाक्‍तोङा बेम्‍डिम ल्‍वाउतो, ‘दाला बासामा यरूशलेमलामका लुक्‍ल्‍याडा, हेङालोने गाना मेर्मिमनुङ सो़नामिम आमा दुथाममिम ल्‍वा मेर्मिमका मेथो़मी।’