थु़र्मा 9:20 - थुलुङ राई

²⁰ मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

थु़र्मा 9:20 Referans Kwoze

यूहन्‍ना 20:28

थोमाका गुमीलाई र्‍वाक्‍ता, “आमा ङाचो़, आमा माम्‍चु़नी।”

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

मत्ती 27:43

ओरामका माम्‍चु़नीडा थो़र बु़। माम्‍चु़नीका न बोमी माला ओरामलाई ओम्‍लोङा फ्‍वामिनु़। हेङालोने ओरामका ‘गो माम्‍चु़नीकु चो़’ र्‍वाक्‍ताम बाइडा।”

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

रेम्‍बेट्‌मिडिम ल्‍वा 2:18

“थिआटीरा मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु तारापाचो़, उनीमा मिक्‍सी मुकु भुल्‍मु होप्‍माम मा उनीमा फेमखेल वाबेट्‌मा बुलुकाम होप्‍माम बाट्‌पाका ओराम ल्‍वा र्‍वामी।

रोमी 1:4

मेम्‍मा गुमी सिमुलाम बम्‍गेम्‍डिम ल्‍वाका माम्‍चु़नी-पेलकु यु़मलाम माम्‍चु़नीकु तारापाचो़ दु़म्‍मिडिम ल्‍वा रेम्‍बु़। गुमीङा इकीमा ङाचो़ येशू ख्रीष्‍ट सो़।

थु़र्मा 13:14

पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।

थु़र्मा 13:5

मेर्चिप सलामिस शहरडा रोक्‍फाट्‌चिमा मेसिन्‍डाम यहूदीमिमकु घ्रो़म्‍दीनेमबाडे माम्‍चु़नीकु दुथाममिम जो़पा-सेला थो़बेट्‌चिमी। मेर्चिपकु खारी बोमु ख्‍लो़पा मर्कूस र्‍वाक्‍मा यूहन्‍ना वो मेर्चिपनुङ बाइडा।

थु़र्मा 9:22

लावो शाऊल यु़मचो़ दु़म्‍तो लस्‍ता, मा येशू ङा ख्रीष्‍ट र्‍वाक्‍पा आच्‍छाङा रेम्‍बु़डु़मा दमस्‍कसडाम यहूदीमिमलाई हाम र्‍वामु-र्‍वामु दु़म्‍बेड्‌डु़मी।

थु़र्मा 8:36

मेर्चिप लाम्‍दीडा लक्‍तोङा बेच्‍चिलो कु बाट्‌पाडा रोक्‍फाट्‌ची। मेकोतिमा मे नपुंसकका र्‍वाक्‍ता, “रेप्‍नी, आसिन्‍डा कु बु रेछा। गोलाई कु-रु़दु़म रमु सु़का भोम्‍मु चाम्‍ङी मा?”

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

यूहन्‍ना 19:7

यहूदीमिमका र्‍वाम्‍डी, “आकीमा कोले डु़म्‍ला बु, मेराम होम्‍साका ओराम मु़चु़ सिमुङा बासी, हेङालोने गु माम्‍चु़नीकु तारापाचो़ र्‍वाक्‍साका उ त्‍वाकाङा र्‍वाक्‍ताम बु।”

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

थु़र्मा 13:33

माम्‍चु़नीका येशू सिमुलामका फक्‍साका ङादो र्‍वाम्‍डिम ल्‍वा ओम्‍लो गुइ उनी चो़-चु़सु़मिमकाडा रेन्‍थिम्‍डिम बु। ओरामकु दुथाम गुइ कोमु काम्‍सोमिमकु खाजेम ननोमडा डार्सी: ‘गाना आमा तारापाचो़, आनेप गो इमा पाप दु़म्‍ङोडोम बु।’

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 16:13

ङेम्‍सिमुनेम गुकु ब्‍लोकुथो़ लक्‍पा शहरकु पाखालाममिम लाम्‍चोकोलाम लक्‍तोको। सो़म्‍दी बेखोप खोम बु र्‍वाक्‍पा मिम्‍सित्तोकोमा गुकु मेसिन्‍डा लक्‍तोको, मा मेसिन्‍डा खोम्‍सिक्‍पा मेसेममिमनुङ ल्‍वा जेमु चो़म्‍तोको।

थु़र्मा 17:2

उ बादु़खाम होम्‍साका पावल घ्रो़म्‍दीनेमगोनो हुङ्‌डा, मा सु ङेम्‍सिमुनेमसम्‍म मेर्मिमलाई सीत्तो मेसिन्‍डा बाइडा। गुका माम्‍चु़नीकु सिजेमलामका,

थु़र्मा 17:10

थो़रलु़पामिमका पावल नुङ सिलासलाई सिन्‍थाङा बेरिया शहरथो़ थु़र्थाम्‍डिची, मा मेर्चिप मेसिन्‍डा लुक्‍चिमा यहूदीमिमकु घ्रो़म्‍दीनेमगोडा लक्‍ची।

थु़र्मा 17:17

मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।

थु़र्मा 8:37

[फिलिपका मेरामनुङ र्‍वाक्‍ता, “इनी न-गोलामका ङा थो़रलु़नी माला गानी कु-रु़दु़म रमु चाम्‍नी।” मेरामका र्‍वाक्‍ता, “आच्‍छाङा येशू ख्रीष्‍ट ङा माम्‍चु़नीकु चो़ र्‍वाक्‍साका गो थो़र बेउ।”]