थु़र्मा 9:2 - थुलुङ राई

² मा येशूडा थो़रलु़पामिम वोस्‍चो़-मेसेम उहेम डार्सु़मी, मेर्मिम खोत्‍लेलाई चु़म्‍मुमा यरूशलेमडा रेन्‍मु ल्‍वाउनु़ र्‍वाक्‍साका दमस्‍कस शहरडाम घ्रो़म्‍दीनेममिमनुङ सेलाखाजेम र्‍याला सो़सिड्‌डा।

थु़र्मा 9:2 Referans Kwoze

थु़र्मा 19:23

मेराम थारीबिलि ङा एफिसस शहरडा ख्रीष्‍टकु लाम्‍दीकु दुथाम छो़म येम्‍डी-दुम्‍डी।

थु़र्मा 19:9

लावो कोङ-कोङका लुङ होप्‍माम उनी न-गो बेम्‍डिमा थो़र मेलु़साका माम्‍चु़नीकाम सिजेमकु कोर्थो़लाम खोत्‍लेकु ङादोडा मेजो़पा जेमु चो़म्‍मिडी। मेम्‍मिमका पावल सीसिपामिमनुङ मेलामका लुक्‍ल्‍याड्‌डा, मा टुरान्‍नसकु सीखोप नेमगोडा लक्‍साका हेल्‍लो लोवो सीथाल्‍लु़मी।

थु़र्मा 24:14

लावो गो गानीनुङ र्‍वाङु, ओर्मिमका मेजो़पा मिम्‍मिमिम कोले दल र्‍वाक्‍मा लाम्‍दीडा लाम्‍दित्तोङा बेउ। गो आकी ङाउ-खुउमिमकु माम्‍चु़नीकाम सो़रलोले बेउ, मा मोशाकु डु़म्‍लाडा नुङ माम्‍चु़नीलाम-जेपामिमकु खाजेमडा र्‍याक्‍मा खोत्‍ले ल्‍वामिमडा थो़र बेउ।

थु़र्मा 24:22

फेलिक्‍सका ख्रीष्‍टकु लाम्‍दीकु दुथाम जो़होमका चडु़म बाइडामका ओर्मिम खोत्‍ले थो़मु दु़म्‍स्‍तु़मा मेर्मिमलाई आरे बेसाका थु़र्स्‍तु़मी, “कमाण्‍डर लुसियस आसिन्‍डा रोमा इनीमा रिबुसी ल्‍वा गो फ्‍यान्‍सानिनी।”

थु़र्मा 18:25

गुका ङाचो़काम लाम्‍दीकु दुथाम जो़होमका थेड्‌डु़म बाइडा, मा गुका थेड्‌डु़म येशूकु दुथाममिम ल्‍वा वाङमिमलाई वो उ सो हन्‍तो जो़होमका सीथाल्‍लु़मी। लावो यूहन्‍नाका सीड्‌डु़मिम कु-रु़दु़मकु दुथाम कोङङा गुका चडु़म बाइडा।

थु़र्मा 9:14

आसिन्‍डा वो ओरामका इनीमा नङ रपा खोत्‍लेलाई बन्‍मु साखाम ङाउ डु़म्‍लाचो़मिमलाम ल्‍वास्‍तु़म बु।”

थु़र्मा 26:12

“कोलेम गो डोक्‍पु डु़म्‍लाचो़मिमलाम साखाम नुङ सेलाखाजेम ल्‍वाउतोमा दमस्‍कस शहरथो़ लङडोलो,

थु़र्मा 7:19

मेरामका इकी ङाउ-खुउमिमलाई मेजो़पा नका दु़खा ग्‍वाक्‍तु़मी। मेकोतिमा मेरामका इकी ङाउ-खुउमिमलाई उनी चो़च्‍चो़मिम खोत्‍ले पाखाडा जु़ल्‍बेड्‌डु़मी, मा मालो गक्‍पा चो़च्‍चो़मिम खोत्‍लेङा सिम्‍डी।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

मत्ती 10:17

मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

थु़र्मा 9:21

शाऊलकु सिजेम थो़पामिम ङाङाया दु़म्‍मिडिमा र्‍वाम्‍डी, “यरूशलेमडा येशूकु नङ रपा मु़चु़मिमलाई सेन्‍मु माल्‍पा मु़चु़ ओराम ङा मेएँ डे? मा आसिन्‍डा वो मेर्मिमलाई बसाका डोक्‍पु डु़म्‍लाचो़मिमकाडा लमु लागि रोक्‍ताम ने मेएँ?”

थु़र्मा 26:10

यरूशलेमडा गो मेम ङा बेउतो। डोक्‍पु डु़म्‍लाचो़मिमलामका साखाम ल्‍वासाका थो़रलु़पामिम हापालाई गो झ्‍यालखानडा चक्‍तोमी। मेर्मिमलाई सेट्‌मिडिलो गो वो मे सेट्‌पामिमलाम बाङसिङडो।

२ कोरिन्‍थी 11:32

गो दमस्‍कस शहरडा बाङडोलो हप अरितसकु साखामचो़का गोलाई चु़म्‍बेन्‍मु लागि सिपाहीमिमलाई शहरकु लाम्‍चोको लाम्‍चोकोडा लन्बेड्‌डु़मिम बाइडा।

गलाती 1:17

गोडाम ङादो दु़म्‍मिडिम येशू ख्रीष्‍टकु थु़र्मामिमकाडा मुलु़ बेप्‍डा यरूशलेम वो मेलक्‍ङुवा। लावो गो ने अरब नेब्‍दी लङ्‌ल्‍याङडो मा चङडा दमस्‍कस शहरडा ख्‍लोसिङ्‌डोमा रोङ्‌डो।