थु़र्मा 9:19 - थुलुङ राई

¹⁹ मेम्‍मा जाम पु़डु़मा उ सो बेड्‌डु़। शाऊल दमस्‍कसडा थो़रलु़पामिमनुङ कोलेम नलेम बाइडा।

थु़र्मा 9:19 Referans Kwoze

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

गलाती 1:17

गोडाम ङादो दु़म्‍मिडिम येशू ख्रीष्‍टकु थु़र्मामिमकाडा मुलु़ बेप्‍डा यरूशलेम वो मेलक्‍ङुवा। लावो गो ने अरब नेब्‍दी लङ्‌ल्‍याङडो मा चङडा दमस्‍कस शहरडा ख्‍लोसिङ्‌डोमा रोङ्‌डो।

थु़र्मा 11:26

बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।

थु़र्मा 9:18

मेकोतिलोङा शाऊलकु मिक्‍सीलामका होक्‍सु़लु़म होप्‍माम आल्‍ल्‍याम्‍डी, मा उ मिक्‍सीका ल्‍वास्‍तु़। मेकोतिमा बक्‍तामा शाऊलका कु-रु़दु़म रङडु़।

थु़र्मा 9:26

शाऊल यरूशलेमडा रोक्‍तामा मेसिन्‍डाम सीसिपामिमनुङ ङोल्‍सिमु न बु़डु़, लावो गु आच्‍छाङा सीसिपा र्‍वाक्‍साका थो़र मेलु़मिवामका मेर्मिम खोत्‍लेङा छो़म ङिम्‍डी।

थु़र्मा 9:38

लुड्‍डा योप्‍पाकु फार्डा ङा बेडु़मिमका पत्रुस मेसिङा बु ए र्‍वाक्‍पा थो़रलु़पामिमका थो़म्‍डी। मेम्‍मा मेर्मिमका नले मु़चु़लाई आरे बेम्‍डिमा पत्रुसकाडा थु़र्मिडी, “दालाङा आकीमाडा रोक्‍नी।”

थु़र्मा 11:29

एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।