थु़र्मा 9:17 - थुलुङ राई

¹⁷ मेकोतिमा हननिया लस्‍तामा शाऊल बाट्‌पा नेमगोनो हुङडा। हननियाका उ ल्‍वा शाऊलडला जु़ल्‍तो र्‍वाक्‍ता, “ल्‍वाक शाऊल, गाना इमा मिक्‍सीका ल्‍वानानु़, मा माम्‍चु़नी-पेलका लु़न्‍सिनानु़ र्‍वाक्‍साका गानानुङ मे लाम्‍दीडा रेम्‍बेसिक्‍पा येशूका गोलाई थु़र्ङिडिमिम बु।”

थु़र्मा 9:17 Referans Kwoze

थु़र्मा 8:17

पत्रुस नुङ यूहन्‍नाका मेर्मिमडला उची ल्‍वा जु़ल्‍ची, मा मेर्मिमडला माम्‍चु़नी-पेल योम्‍डी।

थु़र्मा 6:6

मेकोतिमा मेर्मिमका ओर्मिम मु़चु़ थु़र्मामिमकाडा रेट्‌मिडी, मा थु़र्मामिमका मेर्मिमडला ल्‍वा जु़ल्‍मिडिमा सो़म्‍दी बेम्‍डी।

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

थु़र्मा 13:52

मेकोतिमा एटिन्‍ओखियाडाम खोत्‍ले थो़रलु़पामिम छो़म गेर्सिम्‍डी, मा माम्‍चु़नी-पेलका लु़न्‍सिम्‍डी।

हिब्रू 6:2

कु-रु़दु़ममिमकु दुथाम सीसि, मु़चु़मिमडला ल्‍वा जु़ल्‍साका सो़म्‍दी बेपा, सिमुलाम बम्‍गेट्‍पा मा हेल्‍लो लोवो दु़म्‍पा देन्‍देकु दुथाम ने ङादो माम्‍चु़नीडला थो़र लु़न्‍निलोङा सीसिट्‌निम बाइडा। मेम्‍मिमका आरेप्‍माम ल्‍वामिम आथावो गानी सीसिमुमबुमु मेबासी।

फिलेमोन 1:16

लावो डु़ल्‍चो़ होङङा मेएँ, ओनेसिमस ने डु़ल्‍चो़डाम वो डोक्‍पु सो़। गु आमा लागि द्‌वादीबुङ ल्‍वाक, लावो इमा लागि ने मेरामडाम हापा, हेङालोने ङाचो़ येशूडा मेराम कोङ मु़चु़ नुङ थो़रलु़पा ल्‍वाक होङङा सो़।

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

१ कोरिन्थी 15:47

ङादोम मु़चु़ आदम सुबुडाम क्‍वाकाम बाइडा, चङडाम मु़चु़ ख्रीष्‍ट, पाह्रीलामका योम्‍डी।

१ कोरिन्थी 15:8

खोत्‍लेडाम चङडा गो गक्‍पा थारी मेदु़थिङा गङडोम होप्माम मु़चु़नुङ वो गुमी रेम्‍बेसिम्‍डी।

रोमी 15:7

मेम्‍मिमका माम्‍चु़नीकु यु़म झ्‍वाक्‍सीकाम लागि ख्रीष्‍टका गानीलाई हुनाखाना बेन्‍निम होम्‍साका गानी वो कोलेका कोङमीलाई हुनाखाना बेनी।

थु़र्मा 26:15

“मेकोतिमा गो र्‍वाङ्‌डो, ‘ङाचो़, गानी सु़?’ “ङाचो़का गोनुङ र्‍वाम्‍डी, ‘गो येशू, गाना आमा थो़मतेर्तोङा लेना।

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

थु़र्मा 19:6

पावलका मेर्मिमडला उ ल्‍वा जु़ल्‍लु़लो माम्‍चु़नी-पेल योम्‍डिमा मेर्मिम वाङसामा ल्‍वाडा जेम्‍डी, मा माम्‍चु़नीलाम वो जेम्‍डी।

थु़र्मा 13:3

मेम्‍मा उपास बासाका सो़म्‍दी बेम्‍डिम चङडा मेर्मिमका उनी ल्‍वा मेर्चिपडला जु़ल्‍तो माम्‍चु़नीकु ल्‍वाड्‌डा ग्‍वाम्‍डिमा थु़र्मिडिची।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

लूका 15:32

लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

लूका 15:30

छो़लो़मा मेसेमडा खउलुङ पार्पा मेराम इनी चो़ रोलो ने चाडकाम लागि डु़ल्‍मा बेनो वो मेरामकाम लागि फल्‍नी।’

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

लूका 1:76

ए आमा तारापाचो़, खोत्‍लेडाम घ्‍ल्‍वापा माम्‍चु़नीका गानालाई गुमीलाम जेपा दु़म्‍बेनामी, हेङालोने गाना ङाचो़कु ङादो-ङादो उनीमा लाम्‍दी बनेबेप्‍साड्‌डा लना।

मर्कूस 6:5

गुमीका मेसिन्‍डा कोङ-कोङ नो़पामिमडला ल्‍वा जु़ल्‍साका सबेट्‌मिडिमडाम वाङमी यु़म-खारी हाम वो बोमु मेचाप्‍मिवा।

मत्ती 19:13

येशूका चो़च्‍चो़मिमडला ल्‍वा जु़ल्‍साका सो़म्‍दी बोमिनु़ र्‍वाक्‍साका मु़चु़मिमका मेर्मिमलाई उनीमाडा रेट्‌मिडी। लावो सीसिपामिमका मे मु़चु़मिमलाई भुर्मिडी।

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

लूका 1:41

मरियमका सेव र्‍वाक्‍ताम थो़स्‍तु़ मेडे एलीशिबाकु ङेलगोनो बाट्‌पा चो़च्‍चो़ दोस्‍ता, मा एलीशिबा माम्‍चु़नी-पेलका लु़न्‍सिड्‌डा,

लूका 1:67

यूहन्‍नाकु पाप जकरिया माम्‍चु़नी-पेलका लु़न्‍सिड्‌डा, मा माम्‍चु़नीलाम जेमु चो़म्‍डु़,

थु़र्मा 9:18

मेकोतिलोङा शाऊलकु मिक्‍सीलामका होक्‍सु़लु़म होप्‍माम आल्‍ल्‍याम्‍डी, मा उ मिक्‍सीका ल्‍वास्‍तु़। मेकोतिमा बक्‍तामा शाऊलका कु-रु़दु़म रङडु़।

१ कोरिन्थी 9:1

हाम गो वो वाङमिम होम्साका त्‍वाकु नसीहोमका दोमु मेचापु मा? हाम गो थु़र्मा मेएँ मा? हाम गो इकी ङाचो़ येशू ल्‍वाउतोमिम मिबु मा? हाम ङाचो़कु खारी बेसाका गो ल्‍वान्‍निनिम गानी ङा मेएँ मा?

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।