थु़र्मा 9:15 - थुलुङ राई

¹⁵ ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

थु़र्मा 9:15 Referans Kwoze

रोमी 11:13

गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

२ तिमोथी 2:4

सेनाडा भर्ती दु़म्‍पा सिपाहीका वाङमिम खारी बेसाका नेम मेताडु़, हेङालोने गुलाई भर्ती बेपा डोक्‍पु मु़चु़लाई गेर्सिबेन्‍मुङा गुका मालु़मिम दु़म।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

थु़र्मा 27:24

मा गोनुङ र्‍वाक्‍ता, ‘मेङिसा पावल, गाना रोमी हप कैसरकु ङादोडा येम्‍सिमु ङा बासी, मा गाना बुनामिमका गानानुङ लक्‍पा खोत्‍लेलाई माम्‍चु़नीका सेल्‍निमी।’

थु़र्मा 26:32

मेकोतिमा अग्रिपासका फेस्‍तसनुङ र्‍वाक्‍ता, “ओरामका रोमी डोक्‍पु हप कैसरकाडा लङु मेर्‍वाकावाम माला ने डिसोक्‍पाका लोवो नु़यावा।”

थु़र्मा 25:22

मेकोतिमा हप अग्रिपासका फेस्‍तसनुङ र्‍वाक्‍ता, “मेराम मु़चु़कु ल्‍वा गो वो थो़मु न बु।” फेस्‍तसका र्‍वाक्‍ता, “दिका थो़नी।”

थु़र्मा 21:19

मेर्मिमनुङ घ्रो़म्‍मिडिमा पावलका वाङसामामिमलाई जो़पा-सेला थो़बेड्‌डु़मिलो माम्‍चु़नीका हे-हेप्‍माम खारीमिम बेम्‍डी, मेर्मिम खोत्‍ले पेन्‍तिका सीड्‌डु़मी।

थु़र्मा 28:17

सुलेम चङडा पावलका मेसिन्‍डाम यहूदीमिमकु ङाचो़मिमलाई येड्‌डु़मी। मेर्मिम खोम्‍सिम्‍डिमा गुका मेर्मिमनुङ र्‍वाक्‍ता, “वा-ल्‍वाकनी, गो ने त्‍वाकु मु़चु़मिम नुङ त्‍वाकु ङाउमिमका बेम्‍खेम्‍डिम डु़म्‍लाकु कोर्थो़लाम ने हाम वो बेउतोम मेबायावा। लावो यरूशलेमडा बट्‌ङिडिमी मा रोमीमिमकु ल्‍वाड्‌डा गोलाई ग्‍वाङ्‌डिमिम बु।

थु़र्मा 22:14

“मेकोतिमा गुका र्‍वाक्‍ता, ‘इकीमा ङाउ-खुउमिमकु माम्‍चु़नीका गाना उनीमा न थेसिथेन्‍मु मा माम्‍चु़नीकु न-गोनुङमा येशूलाई ल्‍वामु मा गुमीका जेमिमिम थो़मु गानालाई थुट्‌नामिम बु।

थु़र्मा 26:1

हप अग्रिपासका पावलनुङ र्‍वाक्‍ता, “गाना इमा त्‍वाकु दुथाममिम ल्‍वा जेमु चाम्‍ना।” मेकोतिमा उमा ल्‍वा कोस्‍तु़मा पावल जेमु चो़म्‍डु़:

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

१ कोरिन्थी 9:16

जो़पा-सेला थो़बेन्‍मुडा आमा धक्‍ची डोक्‍पु बेपा ल्‍वा हाम वो मिबु। ओराम गो थो़बेन्‍मुमि ङा बासी। जो़पा-सेला मेथो़बेट्‌पुमिवा माला ने गोडला वाइतो रोनु़।

एफिसी 3:1

मेम्‍मिमका गानी वाङसामा मु़चु़मिमलाई ख्रीष्‍टकु जो़पा-सेला दो़उतोलो चसिङडोम गो पावलका र्‍वाङु।