थु़र्मा 9:10 - थुलुङ राई

¹⁰ मे दमस्‍कसडा हननिया र्‍वाक्‍मा कोले सीसिपा बाइडा। ङाचो़का गुनुङ मिक्‍सीलामडा र्‍वाम्‍डी, “ए हननिया।” मेकोतिमा गुका र्‍वाक्‍ता, “हाम र्‍वानी, ङाचो़।”

थु़र्मा 9:10 Referans Kwoze

थु़र्मा 22:12

“हननिया र्‍वाक्‍मा माम्‍चु़नीकु न-गो होप्‍माम, मा मोशाकु डु़म्‍लाका र्‍वामिम होम्‍साका दोपा कोले मु़चु़ बाइडा। मेरामलाई मेसिन्‍डाम खोत्‍ले यहूदीमिमका जो़पा मिम्‍थाल्‍मिडिम बाइडा।

थु़र्मा 10:3

कोलेम नेम्‍फुम सु जेस्‍ताम बिलि कर्नेलियसका मिक्‍सीलामडा माम्‍चु़नीकु पाह्रीचो़ उ त्‍वापथो़ योक्‍तोङा बेपा, मा मे पाह्रीचो़का गुलाई “कर्नेलियस” र्‍वाक्‍तामा डाड्‌डु़म जो़होमका थो़स्‍तु़।

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

थु़र्मा 9:9

मेकोतिमा गु सुलेमसम्‍म मेल्‍वापा दु़स्‍ता, मा हाम वो मेपु़वा मेडुङु़वा।

थु़र्मा 11:5

गुका र्‍वाक्‍ता, “कोलेम योप्‍पाडा सो़म्‍दी बेउतोम बाङडोलो, आ न ना थो़म होप्‍माम दु़म्‍ङोडो, मा मिक्‍सीलाम ल्‍वाउतो। ब्‍ल-सुरडा बन्‍थाट्‌मा प्‍लान बेखोप होप्‍माम कोले ये पाह्रीलामका आमाथो़ योक्‍तोङा बु़डु़।

थु़र्मा 12:9

पाह्रीचो़कु चङचङ लाम्‍दिडामा पत्रुस झ्‍यालखानलामका पाखा लुक्‍ता। लावो पाह्रीचो़का बु़डु़म ओराम आच्‍छाङाकाम खारी र्‍वाक्‍साका गुका मेचवा। पत्रुसका ने मिक्‍सीलाम डे ल्‍वाउहोमबुङु र्‍वाक्‍पा मिम्‍डु़म बाइडा।

थु़र्मा 16:9

मेराम सिन्‍था पावलका मिक्‍सीलाम ल्‍वास्‍तु़। माकेडोनियाडाम कोले मु़चु़ येम्‍स्‍तामा गुलाई आरे र्‍वाक्‍ताम-र्‍वाक्‍ताम ङा बु़डु़होम बाइडा, “माकेडोनियाडा गेट्‌नी, मा गुकुलाई ख्‍लो़किनी।”

थु़र्मा 16:10

पावलका ओराम मिक्‍सीलाम ल्‍वास्‍तु़म चङडा गुकु माकेडोनिया लक्‍पा मुलु़ बेथाक्‍तोको। मेसिन्‍डाम मु़चु़मिमलाई जो़पा-सेला थो़बेन्‍मु माम्‍चु़नीका गुकुलाई येत्तिकिम रेछा र्‍वाक्‍पा गुकु चक्‍तोको।

थु़र्मा 18:9

कोङ सिन्‍था मिक्‍सीलामडा पावललाई ङाचो़ येशूका र्‍वाम्‍डी, “मेङिसा, जेत्तो लक्‍सा, मा लिबा मेबाया,

२ कोरिन्‍थी 11:32

गो दमस्‍कस शहरडा बाङडोलो हप अरितसकु साखामचो़का गोलाई चु़म्‍बेन्‍मु लागि सिपाहीमिमलाई शहरकु लाम्‍चोको लाम्‍चोकोडा लन्बेड्‌डु़मिम बाइडा।

गलाती 1:17

गोडाम ङादो दु़म्‍मिडिम येशू ख्रीष्‍टकु थु़र्मामिमकाडा मुलु़ बेप्‍डा यरूशलेम वो मेलक्‍ङुवा। लावो गो ने अरब नेब्‍दी लङ्‌ल्‍याङडो मा चङडा दमस्‍कस शहरडा ख्‍लोसिङ्‌डोमा रोङ्‌डो।

थु़र्मा 9:12

हननिया र्‍वाक्‍मा मु़चु़का मेरामडला ल्‍वा जु़ल्‍लु़मा मिक्‍सीका ल्‍वासु़नु़ र्‍वाक्‍साका सो़म्‍दी बु़डु़म मेरामका मिक्‍सीलामडा ल्‍वास्‍तु़म बु।”