थु़र्मा 8:12 - थुलुङ राई

¹² लावो फिलिपका मेर्मिमलाई माम्‍चु़नीकु किब्‍दीकु दुथाम नुङ येशू ख्रीष्‍टकु नङकु दुथाम जो़पा-सेला थो़बेड्‌डु़मी, उमा ल्‍वा थो़म्‍डिमा वोस्‍चो़-मेसेममिमका येशूडा थो़रलु़म्‍डिमा कु-रु़दु़म रम्‍डी।

थु़र्मा 8:12 Referans Kwoze

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

थु़र्मा 1:3

क्रूसडा सिम्‍डिम चङ्‌डा गुमीका हापा ल्‍वामिमलामका मेर्मिमकु ङादोडा सिमुलाम बम्‍गेम्‍डिम र्‍वाक्‍पा रेम्‍बेम्‍डी। मेर्मिमनुङ गुमी ब्‍ल धु़म (४०) नेमसम्‍म ल्‍वाला सो़म्‍सिम्‍डी, मा माम्‍चु़नीकु किब्‍दीकु दुथाम सीट्‌मिडी।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

रोमी 10:10

हेङालोने गुइ नगोलामका थो़रलु़साका ङा माम्‍चु़नीकु ङादोडा जो़पा न-गोकाम दु़म्‍सी। मेम्‍मा गुइ थो़रलु़इडिम ल्‍वा त्‍वाकु सिकाङा सो़साका सेल्‍सिडी।

१ कोरिन्थी 11:11

लोवो ङाचो़कु मु़चु़मिमगोडा मेसेम वोस्‍चो़ मेदु़म्‍थु़म मेनु़, मा वोस्‍चो़ मेसेम मेदु़म्‍थु़म मेनु़।

थु़र्मा 28:31

पावलका मेङिसाका ङा माम्‍चु़नीकु किब्‍दीकु दुथाम मु़चु़मिमलाई थो़बेड्‌डु़मी, मा येशू ख्रीष्‍टकु दुथाम सीड्‌डु़मी, मा सु़का वो गुलाई मेम बोमुडाम मेभोप्‍मिवा।

थु़र्मा 20:25

“रेप्‍नी, गानीगोडा खोत्‍लेनुङ गो माम्‍चु़नीकु किब्‍दीकु दुथाम जो़पा-सेला थो़बेट्‌निनिम बाइडा। आथाडा आरे गानी सु़का वो आमा ङाली मेल्‍वानी र्‍वाक्‍पा गो चक्‍तोम बु।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 5:14

माम्‍चु़नीडा थो़रलु़पा वोस्‍चो़-मेसेममिम हापा ङा मेर्मिमनुङ काम्‍सिमु चो़म्‍मिडी,

लूका 9:60

गुमीका मेरामलाई र्‍वाम्‍डी, “हेल्‍लो वो मेसिपा त्‍वारो़म मेल्‍वासाका सिपामिमका ङा उनी सिपा रो़म क्‍लु़म्‍मिनु़। लावो गाना ने लक्‍सामा माम्‍चु़नीकु किब्‍दीकु दुथाम जो़पा-सेला थो़बेडामी।”

लूका 9:2

मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।

थु़र्मा 8:4

यरूशलेमलामका फोन्‍सिक्‍पामा लक्‍पा थो़रलु़पामिम खोत्‍लेथो़ लम्‍डी, मा येशूकु दुथाम जो़पा-सेला थो़बेन्‍मु चो़म्‍मिडी।

थु़र्मा 19:5

ओराम ल्‍वा थो़म्‍डिमा मेर्मिमका ङाचो़ येशूकु नङडा कु-रु़दु़म रम्‍डी।