थु़र्मा 8:10 - थुलुङ राई

¹⁰ मेराम मु़चु़लाई डोक्‍पु-याक्‍के खोत्‍लेका “ओराम मु़चु़नुङ ‘छो़म डोक्‍पु यु़म’ र्‍वाकिमिम माम्‍चु़नीकु यु़म बु” र्‍वाक्‍पा मिम्‍थाल्‍मिडी।

थु़र्मा 8:10 Referans Kwoze

रेम्‍बेट्‌मिडिम ल्‍वा 13:3

मे हादीबाराकु कोले बुइडला ङिमलु़पा पार होप्‍माम ल्‍वासिक्‍पा बाइडा, लावो मे ङिमलु़पा ल्‍वासिक्‍पा पार सस्‍ता। मेम्‍मा सु़म्‍दिसेरडाम खोत्‍ले ओरामडाम ङाङाया दु़म्‍मिडी मा मे हादीबाराकु चङचङ लाम्‍दिम्‍डी।

२ पत्रुस 2:2

हापा मु़चु़मिमका मेर्मिमकु क्रो़मलु़पा लाम्‍दी लाम्‍दिमी मा आच्‍छाङाकु लाम्‍दीकु दुथाम मु़चु़मिमका मेजो़पा र्‍वामी।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

२ कोरिन्‍थी 11:19

नेप्‍ची मान्‍थिम मु़चु़मिमकु ल्‍वा गेर्सी द्‍वाक्‍तो थो़प्‍साक्‍पा गानी हाङको छो़म नेप्‍चीनुङमा मु़चु़मिम!

१ कोरिन्थी 1:24

लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।

थु़र्मा 28:6

मेर्मिमका पावलकु रो़म होममा क्‍वायु़ पुलु़झारमा सि र्‍वाक्‍साका लम्‍थाट्‌मिडिम बाइडा। लावो थामासम्‍म लम्‍थाट्‌मिडी लोवो गु हे वो मेदु़प्‍सावामका मेर्मिमका उनी न ख्‍लोम्‍डिमा आरे र्‍वामु चो़म्‍मिडी, “ओराम ने नो़प डे रेछा।”

थु़र्मा 14:11

पावलका बु़डु़म ओराम खारी सेर्पा मु़चु़मिमका ल्‍वाम्‍डिमा मेर्मिमका लुकोनिया ल्‍वाडा डोक्‍पु लो़लामका आरे र्‍वाम्‍डी, “नो़पमिम मु़चु़ लिम्‍सिम्‍डिमा इकीमाडा योम्‍डी रेछा।”