थु़र्मा 7:58 - थुलुङ राई

⁵⁸ मेर्मिमका स्‍तिफनसलाई शहरलामका पाखा ख्‍लुम्‍डी, मा गुलाई सेन्‍मु लागि लुङका ओम्‍मु चो़म्‍मिडी। मेकोतिमा स्‍तिफनसकु कोर्थो़लाम लिमा थेट्‌पामिमका उनी हुम-येमिम शाऊल नङकाम कोले स्‍वालाकु खेलफार्डा जु़ल्‍मिडी।

थु़र्मा 7:58 Referans Kwoze

थु़र्मा 22:20

इनीमा दुथाम सो़पा स्‍तिफनस सेट्‌मिडिलो गो मेर्मिमकु फार्डा ङा येम्‍तासिट्‌ङोरो, मा सेट्‌पामिमलाम बाङ्‌सिङ्‌डोमा मेर्मिमकु ये-सेम लथाक्‍तोम वो मेर्मिमका चमिमिम ङा बु।’

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

थु़र्मा 6:13

मेर्मिमका मेरामकु दुथाम लिमा थेट्‌पामिम मेसिन्‍डा रेट्‌मिडी, मा मेर्मिमका आरे र्‍वाम्‍डी, “ओरामका माम्‍चु़नीकु नङका साट्‌मा सो़रनेम नुङ डु़म्‍लाकु कोर्थो़लाम जेमु मेडिडु़।

थु़र्मा 22:4

गो ओराम लाम्‍दीडा लाम्‍दिपा मु़चु़मिमलाई उनी सिमुथारीसम्‍म थो़मतेर्साक्‍तोमी। मेकोतिमा वोस्‍चो़-मेसेममिमलाई बसाका झ्‍यालखानडा चक्‍थाल्‍तोमी।

लूका 4:29

हुची बम्‍डिमा मेर्मिमका येशूलाई रो़-रो़न्‍थु़त्तो शहरलामका पाखा ख्‍लुम्‍डी। मेर्मिमकु शहर कोले पोप्‍चङडला बाइडा, मा मेर्मिमका मेराम पोप्‍चङकु भ्‍र्‍वालामका गुमीलाई धाली डम्‍सोमु माल्‍मिडी।

थु़र्मा 6:11

मेकोतिमा मेर्मिमका लिबावा मु़चु़मिमलाई कोम्‍डिमा आरे र्‍वाबेट्‌मिडी, “ओरामका मोशा नुङ माम्‍चु़नीलाई डक्‍साका जेस्‍ताम गुकु थो़त्तोको।”

थु़र्मा 7:57

मेकोतिलोङा मेर्मिम छो़म डोक्‍पु लो़लामका येम्‍डिमा खोत्‍लेका उनी नोफ्‍ला ड्‌याम्‍डी, मा स्‍तिफनसलाई चोघ्रु़प्‍मिडी।

थु़र्मा 22:23

मेर्मिमका छोक्‍चोका उनीमा त्‍वाकु ये-सेम आ़क्‍तो नुङ फुर्कुलु़म फोत्तो येमु चो़म्‍मिडी।

थु़र्मा 26:10

यरूशलेमडा गो मेम ङा बेउतो। डोक्‍पु डु़म्‍लाचो़मिमलामका साखाम ल्‍वासाका थो़रलु़पामिम हापालाई गो झ्‍यालखानडा चक्‍तोमी। मेर्मिमलाई सेट्‌मिडिलो गो वो मे सेट्‌पामिमलाम बाङसिङडो।