थु़र्मा 7:37 - थुलुङ राई

³⁷ “मेराम मोशाका ङा, इस्राएलीमिमनुङ र्‍वाक्‍ताम बाइडा, ‘माम्‍चु़नीका गोलाई थुट्‌ङिडिमिम होम्‍साका ङा इनीमा वा-ल्‍वाकगोलामका इनीमा लागि माम्‍चु़नीलाम-जेपा कोङ मु़चु़ थुमी।’

थु़र्मा 7:37 Referans Kwoze

यूहन्‍ना 18:37

पिलातसका र्‍वाक्‍ता, “मेएँ माला हाम गाना हपङा?” येशूका र्‍वाम्‍डी, “गो हप र्‍वाक्‍साका गानी जो़पाङा र्‍वानिम बुनी। ओरामकाम लागिङा गो गङ्‌डोम, मा आच्‍छाङाम ल्‍वा सो़मु लागि गो सु़म्‍दिसेरडा योङडोम। आच्‍छाङाकाम ल्‍वाथो़ सु़-सु़ बुमी, मेर्मिमका आमा ल्‍वा थो़मी।”

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

लूका 9:35

मेकोतिमा खासेलामका कोले लो़लामका आरे र्‍वाक्‍ता, “ओराम आमा तारापाचो़, गुलाई गो छेत्तोम सो़। ओरामका र्‍वामिम थो़नी वो।”

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”