थु़र्मा 7:35 - थुलुङ राई

³⁵ “इस्राएलीमिमका ‘गानालाई निया बेपा नुङ साखाम थो़पा दु़म्‍मु सु़का थुट्‌ना’ र्‍वाक्‍साका नाप्‍छु़ट्‌मिडिम ओराम मोशालाई माम्‍चु़नीका झोरीडा रेम्‍बेसिक्‍पा पाह्रीचो़लामका साखामचो़ नुङ बोपा-थार्पा मु़चु़ थुसाका थु़र्मिडिम बाइडा।

थु़र्मा 7:35 Referans Kwoze

लूका 19:14

“लावो उ नेब्‍दीडाम मु़चु़मिमका गुलाई मेद्‌वाम्‍थाल्‍मिवा। मेम्‍मा होनोवाम नेब्‍दीडा आरे र्‍वाप्‍डा सेलाचो़मिमलाई थु़र्मिडी, ‘ओराम मु़चु़ आकी हप दु़म्‍मु मेबासी सो़।’

रेम्‍बेट्‌मिडिम ल्‍वा 15:3

मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

हिब्रू 2:2

माके माके पाह्रीचो़मिमलामका इकी बेप-पापमिमलाई माम्‍चु़नीकु सीसि आच्‍छाङा र्‍वाक्‍साका रेम्‍बेम्‍मा बाइडा। मेम्मा मेराम सीसिकु कोर्थो़लाम बम्‍डिम मु़चु़मिम नुङ मेराम सीसि होम्‍साका मेबेमिवाम खोत्ले मेर्मिमका बेम्‍डिम खारी होम्‍साका देन्‍दे ल्‍वाम्‍डी।

कलस्‍सी 1:15

मिक्‍सीका ल्‍वामु मेझापा माम्‍चु़नी गुइ ख्रीष्‍टडा ल्‍वामु चाप्सी। माम्‍चु़नीका प्रङ्‌मिडिम खोत्‍लेडला ख्रीष्‍टकु साखाम बु।

थु़र्मा 7:51

“ए लु़म्‍ला मेबेडिचो़नी, लुङ होप्‍माम न-गो नुङ नोफ्‍लाका मेथो़पानी, गानी हेल्‍लो लोवो माम्‍चु़नी-पेलकु कोर्थो़लाम येम्‍सिनी। इनीमा ङाउ-खुउमिमका हाम बेम्‍डी, गानी वो मेम ङा बोनी।

थु़र्मा 7:30

“ब्‍ल धु़म (४०) थ चङडा सीनै पोप्‍चङकु र्‍याङगो-र्‍याङगोडाम घ्रु़पामबाट्‌पा झोरीडा कोङ पाह्रीचो़ मोशानुङ ल्‍वाला सो़स्‍ता।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

थु़र्मा 3:22

मोशाका आरे र्‍वाक्‍ताम बाइडा, ‘मिप्रङमा माम्‍चु़नीका इनी वा-ल्‍वाकमिमगोलामका इनीमा लागि गो होप्‍मामङा माम्‍चु़नीलाम-जेपा मु़चु़ थुमी। मेकोतिमा गुमीका गानीलाई हा-हाम र्‍वामी मेर्मिम खोत्‍ले गानी थो़मु बासी।

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

यूहन्‍ना 19:15

लावो मेर्मिमका डोक्‍पु लो़लामका येत्तो र्‍वाम्‍डी, “ओरामलाई लक्‍नी, ओरामलाई क्रूसडा चेट्‌नी।” पिलातसका हिलाबु़डु़, “हाम गो इनीमा हपलाई क्रूसडा चेन्‍मु?” ङाउ डु़म्‍लाचो़मिमका र्‍वाम्‍डी, “कैसर कोङङा आकीमा हप।”

यूहन्‍ना 18:40

मेर्मिमका आथावो आरे र्‍वाक्‍तो येम्‍डी, “मेरामलाई मेएँ, बारब्‍बालाई डिट्‌नी।” बारब्‍बा ने कोर्थो़लाम बक्‍साका क्‍वाल्‍बा बेपा मु़चु़ बाइडा।

मर्कूस 12:26

सिपामिम बम्‍गेमी र्‍वाक्‍पा हाम गानी मोशाकु खाजेमडा डाट्‌निम मिबु? बुथ्राकु दुथाम माम्‍चु़नीकु सिजेमडा माम्‍चु़नीका मोशानुङ र्‍वाम्‍डी, ‘गो अब्राहाम, इसहाक नुङ याकूबकु माम्‍चु़नी।’