थु़र्मा 7:25 - थुलुङ राई

²⁵ माम्‍चु़नीका इस्राएलीमिमलाई सेल्‍ला मोशा थु़र्मीडिम बाइडा। ओराम ल्‍वा उ मु़चु़ इस्राएलीमिमका थेसिथेन्‍मी र्‍वाक्‍पा मोशाका मिम्‍डु़म बाइडा। लावो मेर्मिमका थेसिमेथेट्‌मिवा।

थु़र्मा 7:25 Referans Kwoze

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

रोमी 15:18

हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।

थु़र्मा 21:19

मेर्मिमनुङ घ्रो़म्‍मिडिमा पावलका वाङसामामिमलाई जो़पा-सेला थो़बेड्‌डु़मिलो माम्‍चु़नीका हे-हेप्‍माम खारीमिम बेम्‍डी, मेर्मिम खोत्‍ले पेन्‍तिका सीड्‌डु़मी।

थु़र्मा 15:7

थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

लूका 18:34

सीसिपामिमका ओराम ल्‍वा कोले वो थेसिमेथेट्‌मिवा। ओराम ल्‍वाका हाम र्‍वामु माल्‍लु़म मेराम थक्‍साका जु़ल्‍मा बाइडा। गुमीका हामकु दुथाम र्‍वाम्‍डिम मेराम ल्‍वा मेर्मिमका मेचम्‍वा।

लूका 9:45

लावो गुमीका र्‍वाम्‍डिम ल्‍वा सीसिपामिमका थेसिमेथेट्‌मिवा। ओराम हाम र्‍वाक्‍मा र्‍वाक्‍पा मेर्मिमका थेसिमेथेन्‍मिनु़ र्‍वाक्‍साका ङा थक्‍मा बाइडा। मेर्मिमका ओराम ल्‍वाकु दुथाम गुमीनुङ हिलाबोमु ङिम्‍डी।

मर्कूस 9:32

लावो गुमीका र्‍वाम्‍डिम ल्‍वा मेर्मिमका थेसिमेथेट्‌मिवा, मा हिलाबोमु वो ङिम्‍डी।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

थु़र्मा 7:24

कोलेम मोशाका कोङ मिश्रीका कोङ इस्राएलीलाई याल्‍तोङा बेपा ल्‍वास्‍तु़मा गुका भोप्‍डु़। मेम्‍मा गु इस्राएलीलाम बासिक्‍साका मिश्री मु़चु़लाई सेड्‌डु़मा उ छोक्‍चो हाड्‌डु़।

थु़र्मा 7:26

मेरामकु दिकाम नले इस्राएलीचिपका क्‍वाल्‍बा बेत्तोङा लेच्‍चिलो मोशा रोक्‍ता, मा मेर्चिपकु न-घ्रो़म्‍बेन्‍मु नका आरे बु़डु़ची, ‘वा-ल्‍वाकची, गाची ने कोले सामाडाम वा-ल्‍वाक डे मा हेङा इची त्‍वाप-त्‍वापडा ङा मेजो़पा बेबोचिमिम?’