थु़र्मा 6:6 - थुलुङ राई

⁶ मेकोतिमा मेर्मिमका ओर्मिम मु़चु़ थु़र्मामिमकाडा रेट्‌मिडी, मा थु़र्मामिमका मेर्मिमडला ल्‍वा जु़ल्‍मिडिमा सो़म्‍दी बेम्‍डी।

थु़र्मा 6:6 Referans Kwoze

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

थु़र्मा 1:24

मेकोतिमा मेर्मिमका आरे र्‍वाम्‍डिमा सो़म्‍दी बेम्‍डी, “खोत्‍ले मु़चु़मिमकु न-गो ल्‍वापा माम्‍चु़नी, ओर्चिपगोडा गानी उहेमलाई छेट्‌निम बु, मेराम गुकुनुङ रेम्‍बेनी।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

थु़र्मा 8:17

पत्रुस नुङ यूहन्‍नाका मेर्मिमडला उची ल्‍वा जु़ल्‍ची, मा मेर्मिमडला माम्‍चु़नी-पेल योम्‍डी।

थु़र्मा 13:3

मेम्‍मा उपास बासाका सो़म्‍दी बेम्‍डिम चङडा मेर्मिमका उनी ल्‍वा मेर्चिपडला जु़ल्‍तो माम्‍चु़नीकु ल्‍वाड्‌डा ग्‍वाम्‍डिमा थु़र्मिडिची।

थु़र्मा 9:17

मेकोतिमा हननिया लस्‍तामा शाऊल बाट्‌पा नेमगोनो हुङडा। हननियाका उ ल्‍वा शाऊलडला जु़ल्‍तो र्‍वाक्‍ता, “ल्‍वाक शाऊल, गाना इमा मिक्‍सीका ल्‍वानानु़, मा माम्‍चु़नी-पेलका लु़न्‍सिनानु़ र्‍वाक्‍साका गानानुङ मे लाम्‍दीडा रेम्‍बेसिक्‍पा येशूका गोलाई थु़र्ङिडिमिम बु।”

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

हिब्रू 6:2

कु-रु़दु़ममिमकु दुथाम सीसि, मु़चु़मिमडला ल्‍वा जु़ल्‍साका सो़म्‍दी बेपा, सिमुलाम बम्‍गेट्‍पा मा हेल्‍लो लोवो दु़म्‍पा देन्‍देकु दुथाम ने ङादो माम्‍चु़नीडला थो़र लु़न्‍निलोङा सीसिट्‌निम बाइडा। मेम्‍मिमका आरेप्‍माम ल्‍वामिम आथावो गानी सीसिमुमबुमु मेबासी।

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

थु़र्मा 9:12

हननिया र्‍वाक्‍मा मु़चु़का मेरामडला ल्‍वा जु़ल्‍लु़मा मिक्‍सीका ल्‍वासु़नु़ र्‍वाक्‍साका सो़म्‍दी बु़डु़म मेरामका मिक्‍सीलामडा ल्‍वास्‍तु़म बु।”

थु़र्मा 19:6

पावलका मेर्मिमडला उ ल्‍वा जु़ल्‍लु़लो माम्‍चु़नी-पेल योम्‍डिमा मेर्मिम वाङसामा ल्‍वाडा जेम्‍डी, मा माम्‍चु़नीलाम वो जेम्‍डी।