थु़र्मा 6:12 - थुलुङ राई

¹² आरेसाका मेर्मिमका मु़चु़मिम, ङाउमिम नुङ यहूदीमिमकु डु़म्‍ला सीपा पातु़म्‍रीमिमलाई कोम्‍डी। मेकोतिमा स्‍तिफनसलाई चु़म्‍मिडिमा मे डोक्‍पु घ्रो़म्‍दीडा रो़-रो़न्‍थु़त्तो रेट्‌मिडी।

थु़र्मा 6:12 Referans Kwoze

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

मत्ती 26:57

मेकोतिमा येशूलाई चु़म्‍पा मु़चु़मिमका डोक्‍पु ङाउ डु़म्‍लाचो़ कैयाफाकु नेमडा गुमीलाई लम्‍डी। मेसिन्‍डा डु़म्‍ला सीपा पातु़म्‍रीमिम नुङ यहूदी ङाउमिम खोम्‍सिम्‍डिम बाइडा।

थु़र्मा 21:27

सेपा दु़म्‍मुकु दुथाममिम उपास येतलेम लिसाका हुमु खाप्‍स्‍तु़लो एशियालामका रोक्‍पा यहूदीमिमका सो़रनेमगोनो पावललाई ल्‍वाम्‍डी, मा सेर्पा मु़चु़मिमलाई कोम्‍डिमा गुलाई चु़म्‍मिडी।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 5:27

मेर्मिमका मे थु़र्मामिमलाई डोक्‍पु घ्रो़म्‍दीडा रेट्‌मिडिमा येम्‍सिबेट्‌मिडी, मा डोक्‍पु ङाउ डु़म्‍लाचो़का मेर्मिमनुङ हिलाबु़डु़,

थु़र्मा 5:18

मेकोतिमा मेर्मिमलाई चु़म्‍मिडिमा खोत्‍लेकु चखोप झ्‍यालखानडा चम्‍डी।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

लूका 20:1

कोलेम येशूका सो़रनेमगोडा मु़चु़मिमलाई सीत्तो नुङ जो़पा-सेला थो़बेत्तोङा लेट्‌मिडिम बाइडा। ङाउ डु़म्‍लाचो़मिम, यहूदीकु डु़म्‍ला सीपा पातु़म्‍रीमिम मा ङाउमिम उनीमाडा रोम्‍डी,

थु़र्मा 6:11

मेकोतिमा मेर्मिमका लिबावा मु़चु़मिमलाई कोम्‍डिमा आरे र्‍वाबेट्‌मिडी, “ओरामका मोशा नुङ माम्‍चु़नीलाई डक्‍साका जेस्‍ताम गुकु थो़त्तोको।”